Ła Union Astronòmica Internasionałe (UAI) ła ze 'na organizasion internasional no goernativa (INGO) co el obietivo de promover ła astronomia in tute łe so forme, conprendeste ła promosion de ła riserca astronòmega, ła sensibiłzasion, ła istrusion e el desilłupo scavàẑa ła cooperasione global. Ła ze stada fondada el 28 de łujo 1919 a Borseła, Belzo e ła ga i ufisi a Parize, Fransa.
Ła UAI ła ze menbro de el Consejo sientifego internasional, che el ze conponesto da istitusioni sientifeghe e academege internasionałi e da academie de łe siense nasionałi.
Menbri Ła UAI la ze conponesta da menbri nasionałi, cofà asosasioni profesionałi, sosetà nasionałi o istitusioni academeghe, e da menbri individuałi, che i include sia astronomi profesionisti che siensiati junior. I singołi menbri i ze organizai in divizioni, comitati e grupi de łavoro insentrai su spesifeghe sotodisipline, argomenti o inisiative. A majo 2024, ła Union ła contava 85 menbri nasionałi e 12.734 menbri individuałi, distribuii in 90 paezi e teritori.
Atività Intra łe prinsipałi atività de ła UAI ła ghe ze cheła di funsionar da forum par conferense sientifeghe. Ła sponsorisa simposi annuali e ła tien 'na asenblea zeneral trienal che ła definise łe połiteghe e ła conprende vari incontri sientifeghi. Ła Union ła ze nota in particołar par esere ła autorità pi' inportante int'el asignasion de nomi e designasion ufisałi par i ojeti astronòmeghi e par gaver stabiłìo de łe definisioni uniformi par i prinsìpi astronomeghi. Ła se coordina inoltre co incaratài nasionałi e internasionałi, cofa ła ONUESC.
Notasion
Altri projeti
Linganbi foresti
Categoria:Organixasion internasionałi Categoria:Astronomia