Na superpotensa la ze un Stato che el ga na pozision dominante o predominante inte el sistema internasionałe, e che el ga ła abiłità e i mezi par influensar i eventi e i projeti de poder a scała mondiałe (prinsipalmente par protèzare i so intaresi e cuełi dei so liai pì rente); se consìdera che na superpotensa ła ze un paso vanti respeto łe altre grande potense
Inte el 1944, el tèrmino "superpotensa" el jera stà doparà par definir i Stati Unii (EE.UU.), a l'Union Soviètega e a l'Inpero Britànego. Dopo de ła Seconda Guera Mondiałe, l'Inpero Britànego el ze sta convertio inte el Commonwealth e i so teritori i ze diventai independenti. Cusita, i ze stai proclamai come do łe uniche superpotense de cuel perìodo: l'Union Soviètega e i Stati Unii, che i saria entrerai inte un conflito indireto, creando cusita cuel perìodo ciamà Guera Freda
Anca se inte l'Era dopo ła Guera Freda, i Stati Unii i ze stai anpiamente reconosesti cofà ła ùnzoła superpotensa, inte el 2023 ła presidente de ła Comision Europa, Ursula von der Leyen, ła ga considerà che anca la Cina ła garia merità sto reconosimento. Inte un documento del Servisio Eoropeo de Asion Èstera del 2020 za ghe jera sta atribuio sto reconosimento al paeze aziàtego. De magnera sìmiłare, el presidente francese Emmanuel Macron el ga dito (anca inte el 2023) che ła Union Eoropea ła gavaria da convertirse in na «tersa superpotensa», distante da łe difarense diplomàteghe intrà USA e Cina. Notasion
Altri projeti
Bibliografia
Categoria:Superpotense Categoria:Rełasion internasionałi