El Regno de Prùsia (in todesco Königreich Preußen) el ze sta un stato eoropeo che el ze susistio intrà el 1701 al 1918.
Goernà par tuta ła so ezistensa da ła rama franconiana de ła dinastia dei Hohenzollern, ła zera orizenariamente sentrada inte el Brandeburgo-Prùsia. Tutavia, e soratuto gràsie a ła so potensa miłitare, ła zera sta bona de spàndarse teritorialmente. A ła fine de ła guera austro-prusiana ła zera rivada a l'ezemonia totałe su ła Zermània nord. Inte el 1871, dopo de ła guera guera franco-prusiana, el ze sta proclamà l'inpero todesco, in cuel momento ła Prùsia ła zera rivada a ła so màsima estension teritoriałe. Siben che co altri regni zermàneghi ła sìpia entrà far parte del novo Stato todesco, ła zera restada ła parte pì granda e inportante, cuerzindo pì de ła metà de ła superfise de l'Inpero, sirca 348,780 km² inte el 1910.
Gavindo ła pì granda economia e el pì grando ezèrsito in Zermània, ła Prùsia ła garantiva ła so ezemonia pułìtega; i rè de Prùsia i zera anca inperatori todeschi. Inte el 1918, co che ła Zermània ła ze sta sconfizesta inte ła prima guera mondiałe, na revołusion sociałista ła ghea roversà ła monarchia e el regno el zera devegnesto el Stato lìbaro de Prùsia, un stato federà inte l'interior de ła nova Repùblega Todesca.
Notasion
Altri projeti
Linganbi foresti
Prùsia Categoria:Età moderna Categoria:Età contenporanea