Ufisałe parecià e bon inte el so laoro, dopo de na sbreluzegante cariera inte el stato majore de l'Ezèrsito dei Stati Unii el zera sta mandà inte el 1942 in Gran Bretagna in cao de łe trupe statunitense destinae a ła partesipasion inte ła seconda guera mondiałe.
Comandante in cao de łe forse Liae prima inte el teatro del Mediteràneo inte el 1942-1943 e de consevensa dal 1944 in Eoropa, el ghea demostrà capasità miłitari e pułìtego-diplomàteghe, portando vanti un roło fondamentałe de diresion e coordenamento dei ezèrsiti liai inpegnai contro del Terso Reich. El zera sta promovesto inte el 20 de disenbre del 1944 a General of the Army e inte el 1948 a General of the Armies of the United States (el grado pì alto de łe forse armae americane); el ze sta el terso dopo de John Pershing e George Washington che el ghea ricevesto sto grado. Dopo de ła guera, dopo èsar vegnesto el primo comandante in cao de ła NATO, el ghea tolto ła decizion de intentar anca ła cariera pułìtega co bon èzito, devegnendo, de fato, dal 1953 al 1961 el 34º presidente dei Stati Unii de l'Amèrica.
Notasion
Altri projeti
Linganbi foresti