Canzoniere Popolare Veneto el xe un grupo musical italian formà inte el 1964.
Storia El grupo ga avuo origine da Gualtiero Bertelli e Luisa Ronchini che se ga conossuo inte el 1964. El primo spetacoło de łori dò xe stà Partigiano sconosciuto ("Partigian sconossuo"). El grupo se ga meso nome Canzoniere Popolare Veneto ("Cansonier Popolar Veneto") quando che a łori se ga zontà Alberto D'Amico, Tiziano Bertelli (fradeło de Gualtiero), Rosanna Trolese, Renzo Bonometto e Linda Caorlin.
El grupo se ga impegnà inte ła riçerca e inte el studio de łe canson popołar venete e el xe existìo fin al 1971 quando che el se ga spacà in do grupi novi: uno che ga mantegnesto el nome (Alberto D’Amico, Luisa Ronchini, Emanuela Magro), e naltro che se ga ciamà Nuovo Canzoniere Veneto (sul subito co i dò Bertelli, Maria Boccanegra, Renzo Bonometto, Linda Caorlin e Benni Sima; pì vanti a Gualtiero Bertelli se ga zontà S. M. Ricatti, D. Borsetto, F. Armirati e I. Korman).
Da ricordarse el spetacolo Tera e Aqua che po xe finìo inte el disco Addio Venezia addio: qua, al posto de D'Amico che gaveva trovà da dir col grupo par via de ła łinea da seguir, par un fià de tempo ghe xe Policarpo Lanzi.
Formasiòn Prima formasiòn (1964-1971) Gualtiero Bertelli Tiziano Bertelli Renzo Bonometto Linda Caorlin Alberto D'Amico Luisa Ronchini Rosanna Trolese
Seconda formasiòn (1971-) Alberto D'Amico Luisa Ronchini Emanuela Magro
Nuovo Canzoniere Veneto Gualtiero Bertelli Tiziano Bertelli Maria Boccanegra Renzo Bonometto Linda Caorlin Benni Sima S. M. Ricatti D. Borsetto F. Armirati I. Korma
Discografia Album 1968 - Addio Venezia addio 1975 - El miracolo roverso 1977 - L'aria
EP 1973 - Festival Nazionale de L'Unità Venezia 1973
Linganbi foresti
Categoria:Grupi muxicałi itałiani