Péter Pan (Rusca Montană, 21 agosto 1897 – Monte Grapa, 19 setenbre 1918) el xe sta un militare austro-ungarico. El xe diventà famozo pa avere avuo lo steso nome del personajo leterario creà da lo scritore britanico J. M. Barrie intel 1902.
Biografia Nasùo inte el paexe ungarexe de Ruszkabanya (atuałe Rusca Montană in Romania), inte el distreto de Krassó-Szörény (in romen: Caraș-Severin) el 21 de agosto 1897, co'l sciopo de ła guèra xe stà rołà inte ła 7ª conpagnia del 30º Reximento Fanteria Honvéd, e .
Se sa parò che inte el xenaro del 1917 el xe stà trasferìo sol fronte itałian. Sicuramente el ga conbatùo ła desima bataja de l'Ixonso e ła Segonda bataja del monte Grappa. El xe moristo a łe prime łuxi del matin del 19 de setenbre 1918, durante un ataco a na trincea itałiana a Col Capriłe, sol monte Grapa, a cuota 1331.
El xe stà sepolìo orixinariamente in uno dei picołi simiteri de guèra che se cata sol masiso del Grapa e traslà dopo ła costrusion del sacrario miłitar del monte Grapa inte i ani '30. El xe tumułà inte el łocuło nùmaro 107 del sacrario e so ła so tonba xe de frecuente depoxità fiori, saseti e scorse de cape. Pan el xe uno dei 10.295 austro-ungarici morti sepełìi inte el sacrario de cui 10.000 ignoti.
A Rusca Montană, na całe e un muzeo i xe stà ciamà col nome suo.
Note
Bibliografia
Cołegamenti esterni
Categoria:Prima guera mondiałe Categoria:Miłitari austrìaghi