Оптация меджи Чехословакиев и СССР — обополна вымѣна обывательства, звязана з перемѣнов териториалной належности бывшой чехословацкой землѣ Подкарпатска Русь, котра по ей выслободжѣню од фашистичной окупации уже не вернула ся до своей предвоенной юрисдикции, а стала ся з ней (в совѣтской официалной терминологии) Закарпатска Украина.
Меджи Чехословакиев и СССР в конци Другой свѣтовой войны были подписаны Договор о Закарпатской Украинѣ . Протокол ку договору говорив о правѣ оптации горожанства чехословацкого або совѣтского , организации перевозу рухомого маетку и одшкодованю за лишеный нерухомый.Текст договораКрушко С., с. 224. Але до уложеного термину не было вельо охотных на оптацию. Лем з Чехословакии на Закарпатску Украину прийшов первый транспорт, де было 97 особ. Державний архiв Закарпатської областi. Фонд P-236, Оп. 1, Спр. 5, ст. 1 Позднѣй была зачата велика агитация, и была подписана Догода о оптации и взаимном переселѣню люди ай инштрукция ку ней, де ся обширно трактовали вшиткы дотычны подробности.Крушко С., сс. 13–31.
Закарпатска Украина Прияты меджинародны документы выволали велику неволю серед воякох Чехословацкого армадного корпусу, сформованого в року 1943 в СССР, котры посудили их як невдячность з боку Чехословакии, за выслободжѣня котрой они воевали. Велике незадовольство было тыж меджи подкарпатскыма Жидами, котры не были ани спомянуты в документах о оптации и наслѣдком того мали автоматично утратити чехословацке горожанство; але они, предвидячи далшый ход подѣй, в юну– септембрѣ 1945 в числѣ масово одышли на землѣ, перед тым заселены судетскыма Нѣмцями. Скоро по тому, в новембрѣ 1945 совѣтска влада закрыла границю, а тых, котры тото игноровали и з належныма документами або без них пробовали самы перейти границю, арештовали и одсылали до ГУЛАГу. СССР выголосив вшиткых людей, котры ся родили (независимо од датума) на териториях, анексованых ним в роках совѣтскыма горожанами, мотивуючи тым, же тоты територии исторично были в Российской империи. Про Подкарпатску Русь, котра там нигда не была, мотивациев служила идеологема «возъединѣня вѣковѣчной украинской землѣ». СССР дожадовав ся, жебы вшиткы особы, походжѣньом з тых територий, были неодкладно «репатриованы» до СССР, де бы они не были в Европѣ (напримѣр, депортованы на примусовы роботы в часѣ войны). Влада Чехословакии держала ся декларации ОЗН о вольном выборѣ горожанства каждов особов и неохотно приступала на такы дожадованя. Зато емисары СССР по цѣлой територии Чехословакии з помочов безпекы и полиции зачали «великы ловы» на людей русской и украинской народности и высыланя их до СССР без всякого потверджѣня централной влады Чехословакии. Меджи такыма особами были и люди, што уже цѣлы десятьроча, або и нигда не жили в России ци СССР. Ку 1.4.1946 до пражской оптачной комисии пришло около приголошѣнь од особ з Подкарпатской Руси о потверджѣню им горожанства Чехословацкой републикы. Оптачна комисия в Ужгородѣ ку 1.3.1946 достала о вывандрованю до Чехословацкой републикы. При том инзераты оптачной комисии в Ужгородѣ не публиковали, про работу комисии чинили вшелиякы препоны, в том числѣ и сам предсѣдатель Народной Рады Закарпатской Украины Иван Туряниця. Подавшых приголошѣня до Чехословакии застрашовали, а тым, што уже достали чехословацкый пас цѣлый рок не давали можность вывандровати. В зачатку августа 1947 Иван Туряниця ултимативно пожадав чехословацку оптачну комисию в Ужгородѣ закончити свою роботу до . В резултатѣ по двохрочных псотах «в организованом порядку» удало ся вывандровати до Чехословакии 3693 особам (не рахуючи тых, котры одышли индивидуално).Іван Поп
Волынь Иншак одбывала ся вымѣна обывательства на Волыни. Там од року 1861 по зрушѣню кметьского подданства хыбила робоча сила и царска влада позвала на добры землѣ чешскых колонистох. В року 1870 их было 27660. Тоты землѣ до року 1917 належали России, пак переходили з рук в рукы, а в року 1939 стали ся частьов УССР. Волыньскы Чехы воевали в Чехословацком армадном корпусѣ, а 25. мая 1945 подали меморандум совѣтской владѣ, жебы им была дозволена репатриация. Така можность ся отворила по подписаню Договора о Закарпатской Украинѣ и Догоды о оптации и взаимном переселѣню люди .Крушко С., сс. 42–45.
Подля сих меджинародных документох в яри 1947 на Украину (переважно Волыньска и Ровенска область) из Чехословакии переселили ся , переважно «Русинох-Украинцьох», з Волыни до Чехословакии переселили ся , переважно Чехы. Оптанты з Чехословакии трафили до тяжкых социално-политичных и економичных обстоянь в Украинѣ, в резултатѣ чого уже зачатком року 1956 дакотры з них зачали вертати ся назад до Чехословакии, наконець майже 60% з них реоптовали до року1967. Тоты, што ся вертали, записовали ся уже переважно Словаками.Андрій КовачКрушко С., с. 49.
Жерела и одказы Андрій Ковач: Оптація і реоптація // Степан Крушко Оптанти, Prešov, 1997, Іван Поп: Оптація //Энциклопедия Подкарпатской Руси. — Ужгород: Изд-во В. Падяка, 2001. — 431 с. Текст договора меджи СССР и Чехословакиев о Закарпатской Украинѣ, 29.06.1945
Референции
Категория:История СССР Категория:История Украины Категория:История Чехословакии