Миро, τό μύρον благовонна масть — назва субстанции, хоснованой Христиансков Церквов в тайнѣ миропомазаня.Барсов Н. И.
Зложѣня мира На зачатку таков субстанциов быв самый чистый ростлинный олай. Од VI. стороча на Востоку ку олайови зачали примѣшовати балзамы и ароматичны материи. Такого зложѣня миро хоснують и на Западѣ, ани не знати од як давна. В XVI. сторочу Испанцѣ привезли до Европы из Индии новый, екстра пахучый балзам, котрый папы Павел III. и Пий IV. дозволили примѣшовати ку олаю намѣсто балзама палестинского при зготовлѣню мира. В року 1726 в России в миро додавали 27 субстанций. В року 1897 — 31 субстанцию. У католикох миро зложене зоз двох части — олай и перуанскый балзам.
В Русской Православной Церкви в сучасности миро мать около 40 зложок.Акишин С. Ю.
Зготовлѣня мира Процес зготовлѣня мира и його освячѣня мать строгы правила, котры ся одличують в розличных Церквах. Освячовати миро можуть лем епископы, або и прямо найвысша особа в Церкви.
Жерела и одказы Акишин С. Ю. МИРО // Большая российская энциклопедия. Том 20. Москва, 2012, стр. 434 Верзия: 2017. Одчитане: 2020-07-07 Барсов Н. И. Миро //Энциклопедический словарь Брокгауза и Ефрона, т. XX (1897): Московский Университет — Наказания исправительные, с. 390 Одчитане: 2020-07-07
Референции
Катеґорія:Христианскы тайны