Бравнова универзита, Brown University або просто Brown — приватна универзита в Провиденс, Род Айленд.
Бравнова универзита, закладена в року 1764 яко Коледж Род Айленда и плантаций в Провиденсу, е сема найстарша высока школа в Споеных штатах и една зоз девятьох колониалных универзит, котры екзистовали на територии будучых США еще до взнику той державы. Една з восьмох елитных универзит США, што суть познаты як Давна Восѣмка або Блющова лига.
Назва универзиты Днешня назва универзиты походить од ей закладательох, родины Бравн: Николаса Бравна, его сына Николаса Бравна мл., Джона, Йозефа и Мозеса Бравнох. 8. септембра 1803 справча Корпорация коледжа официално рѣшила, же особа, котра пожертвуе на коледж $5 000 буде мати право дати назву высшой школѣ. 6. септембра 1804 Николас Бравн мл. даровав коледжу потребну суму и одтогды на его честь надале коледж называть ся Бравнова универзита.Walter C. Bronson, сс. 29–33.
Нобеловы лавреаты Зоз Бравновов универзитов по рок 2016 звязаны семеро Нобеловы лавреаты. Имя Награда Звязь Ларс Онсагер Хемия, 1968 преподаватель Леон Купер Физика, 1972 професор Джордж Д. Снелл Физиология и медицина, 1980 лектор Джордж Стиглер Економика, 1982 гостюючый професор Вернон Л. Смит Економика, 2002 професор Крейг Мелло Физиология и медицина, 2006 бакаларь наук Джон М. Костерлиц Физика, 2016 професор
Вступ до универзиты В США не екзистуе едина система вступу. Векшина высшых школ, меджи нима и Бравнова универзита, мать свои властны критерии. В найвецей престижных америцкых высокых школах число приятых е ниже як 10% од подавшых жадость. До той категории належить и Бравнова универзита, де од року 2015 тот процент стабилно ся знижать, а в року 2019 досяг 6,6%, а на найпопуларнѣйшый фах медика — 2,9%, з чим ся Бравнова универзита умѣстила на пяту позицию в США.
Интересны факты Меджи абсолвентами Бравновой универзиты на рок 2014 были восьмеро милиардарѣ.The 20 Universities That Have Produced The Most Billionaires Од року 1991 на универзитѣ выучуе политологию професор Сергей Хрущов, сын Никиты Хрущова, совѣтского найвысшого штатника з рокох 1953–1964. Абсолвентом Бравновой универзиты быв Джон Ф. Кеннеди мл., сын президента США Джона Ф. Кеннеди з рокох 1961–1963.
Жерела и одказы Walter C. Bronson (1914). The History of Brown University, 1764–1914. Providence.
Референции
Катеґорія:Высокы школы США Катеґорія:Колониалны коледжѣ Катеґорія:Блющова лига