Джо́рданвилл, Jordanville — село без властной штатистичной евиденции, однесене ку городу Воррен, округа Геркемер, штата Ню Йорк.
Полога Джорданвилл лежить в сѣверовосточной части територии, належной городу Воррен, на скрижованю дорог 18 и 155.
История Осадници на том мѣстѣ оселили ся перед роком 1791. Назва села повела ся од того, же осадници выуживали мѣстный поток на крещѣня и называли го «рѣка Йордан».Brubaker, John H.
Монастырь Святой Тройцѣ О 1,6 км на сѣвер од села лежить монастырь, котрый е духовным центром Русской православной церкви в заграничу. При монастырю фунгують Свято-Троицка духовна семинария, выдавательство, иконописна майстерня, библиотека и теметов. В рокы екзистенции Совѣтского Союза джорданвиллске выдавательство было найвекшым публикатором духовной и церковной литературы в русском языку.
Вызнамны особы Митрополит Лавр (Шкурла), Первоиерарх Русской православной церкви в заграничу, ту учив на духовной семинарии и служив в монастырю; умер и погребеный в монастырю; его пост заняв Митрополит Иларион (Капраль). Виллиам К. МакДоналд, первый губернатор штата Ню Мексико, родив ся в Джорданвиллу.
Жерела и одказы Brubaker, John H. (2002). Down the Susquehanna to the Chesapeake. University Park, PA: Pennsylvania State University Press. p. 3. Jordanville.org Rootsweb.ancestry.com
Референции
Катеґорія:Населены пункты США