Михайло Юрчакевич (*, Росстайне – †, Щецин)Ks. Michał Jurczakiewicz — грекокатолицкый священик, предсѣдник влады Лемковской републикы Флоринкы. Участник и представитель лемковской делегации на Парижской мирной конференции (1919), въедно з Александром Циханьскым и Ярославом Качмарчиком.
Штудии и священича служба В року 1889 закончив класичну гимназию в Яслѣ, продовжив науку в духовной семинарии Барбареум в Вѣдню. Рукоположеный в року 1894. В роках 1894–1896 быв администратором парохии в Кривому, наступно в роках 1896–1898 администратором парохии в Росстайном. В роках 1898-1923 парох в Чорному, в роках 1924–1947 парох во Ветлинѣ.Богдан Горбаль (2012)
Политична чинность Русофилство и перзекуцииБыв русофилскы ориентованый: в Чорному заложив читалню общества Качковского, быв при основаню и Руской Бурсы (Горлицѣ). В роках 1909–1915 быв выбраный до администрации Горлицкого повѣту. Але быв подозреным з пропагации православия, за што быв двараз суспендованый церковнов верхностьов, наконець перебыв в арештѣ.
Лемковска република Флоринкы27. новембра 1918 двохтысячне вѣче в Гладышовѣ выбрало Руску Раду, перетворену пак на Повѣтову Руску Раду (ПРР) про повѣты горлицкый, кросненскый и ясельскый, на челѣ котрой став . 5. децембра 1918 во Флоринцѣ быв выбраный на чело Началной Рады Лемковины (НРЛ),Богдан Горбаль (2010) а на далшых вѣчах тыж едным з трьох делегатох Лемковины на Парижску мирну конференцию. В конци децембра 1918 быв принятый въедно з Александром Циханьскым в Празѣ президентом Чехословакии и став ся головным пропагатором новой прочехословацкой ориентации серед Лемкох. В януарѣ 1919 НРЛ и ПРР самороспустили ся, передаючи свою владны функции Карпаторуской радѣ в Пряшовѣ. В марцу 1919 утѣк до Кошиць перед нападом польскых воякох. За його неприявности веденя в лемковском руху докончовав Ярослав Качмарчык, помѣрнѣйше наставленый ку Полякам. Юрчакевич вернув ся до Чорного в апрѣлю 1919 по гаранциях безпекы од польской влады, але уже по пару дньох 22. апрѣля 1919 вночи быв арештованый. О ходѣ и выслѣдках процеса Юрчакевича ай иншых членох ПРР нич не знати, але одтогды стратив ся з политичной сцены и до политикы ся нигда не вернув.
Послѣдны рокы Под тиском польской влады перемышльскый епископ Йосафат Коциловскый перенюс в року 1924 отця Юрчакевича до села Ветлин (9 км од Ярослава). В часѣ Акции Висла быв выселеный до Щецина, де быв даякый час в арештѣ и де е похованый.
См. тыж Лемковско-русинска република
Жерела и одказы Богдан Горбаль: Лемківська республіка Флоринки. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. Сс. 401–402.
Dmytro Błażejowśkyj: Istorycznyj szematyzm Peremyskoji Eparchiji z wkluczennjam Apostolśkoji Administratury Łemkiwszczyny (1828-1939), Lwów 1995,
Референции
Катеґорія:Лемковска република Флоринкы Катеґорія:Русиньскы політіци Катеґорія:Русиньскы церьковны дїятелї