Малдивы, официално Малдивска република — островна держава на югу Азии, на Мальдивскых островах, в Индийском океанѣ.Трёшников А.Ф., сс. 299-300.
Малдивы суть найменшов державов в Азии. Економика основана на туристицѣ и рыболовли.CIA World Factbook
Обывательство и штат Обывательство: Малдивцѣ (99%). Официалный язык — малдивскый (дивехи). Официална вѣра — ислам. Середня густота залюднѣня — 608 обыватели на 1 км2. ]. Штатна форма: до 1968 — султанат, в 1887 — 1965 — протекторат Великой Британии.
26. юла 1965 република зыскала независимость. Тот день ся каждорочно официално славить як День независимости.
До року 2016 Малдивы входили во Сполоченство Народох, але в року 2016 вышли з членства, мотивуючи тым, же были тов организациов критизованы за корупцию и нарушѣня людскых прав, а то мѣшаня ся до внуторных дѣл.ВВС: Мальдивы заявили о выходе из Содружества наций
Глава державы и уряда — президент. Законодарный орган — еднопалатный парламент (меджлис).
Столиця — Мале. Половка обывательства жие в столици, единственном городѣ и приставѣ в державѣ, инша половка в 20 атолах, што мають властну администрацию и двох атолах без властной администрации. В републицѣ оселены тыж понад 60 тысяч чужоземцьох.
География Невеликы островы, часто обрамлены кораловыма рифами, плажами. Клима екваториално-мусонна, середно-мѣсячны теплоты колышуть ся в границях 24°C – 30°C. Рочны опады 2500 мм.
Вшиткого 1190 островох, але обываных лем около 200. Середня высота над морьом 1,8 м.
Транспорт Остров Мале в октобру 2018 быв злученый мостом зоз сосѣдным островом Гулгуле, де находить ся главне меджинародне летиско Велана. Летиско комерчно фунгуе од року 1962, а в сучасности мать двѣ розбѣговы дорогы понад 3 км довгы, што стачить про леты найвекшых аеробусох. Малдивы мають еще едно меджинародне летиско такого класа и два меншы меджинародны летиска. Локалны леты в границях архипелагу реализують ся гидропланами. Остров Гулгуле злученый з далшым островом Гулгумале насыпанов гатьов так, же тоты три островы звязаны дорогами и автобусныма линиями. Меджи вшиткыма иншыма островами транспортне споеня реализуе ся водным и воздушным путьом.
Едукация Малдивска република не мать повинну едукацию. На властном языку (дивехи) мають лем зачаточну школу. Середня школа е лем англицка. Середню фахову або высшу освѣту мож достати лем в заграничу.Украинский советский энциклопедический словарь, т. 2, с. 328.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. The World Bank. GDP per capita, PPP (2017) Штатистика 2014 (pdf) CIA World Factbook
Референции
Катеґорія:Країны Катеґорія:Державы Азии Катеґорія:Архипелагы Катеґорія:Островны штаты