Симптом, од συμπτώμα — што ся дакому притрафило — признак, клиничный прояв даякой хвороты. Розличують симптомы субъективны (основаны на словах хворого, коли описуе, напримѣр, свои болести) и объективны (зысканы при сконтролованю хворого, напримѣр, рентгеновыма знимками або лабораторныма анализами). Фигурално — знак даякого яву, феномена, што е одхылков од нормалного хода процеса.Прохоров А. М., с. 1210.
В англоязычной терминологии субъективный симптом называть ся symptom, а объективный — medical sign.
Симптомы дають можность диагнозовати хвороту, але самы не суть ей причинов. Лѣчѣня, напрямлене на одстранѣня симптомох, напримѣр предписаня лѣку, однимаючого боль, называють симптоматичным лѣчѣньом.
Симптомы роздѣляють з погляду важности про диагностику на:Соколов Е. И., Полосою Т. А. нешпецифичны, шпецифичны, патогномоничны. Нешпецифичны можуть ся указовати при вецеро хворотах и невельо што повѣдять про роспознаня конкретной проблемы хворого. Шпецифичны ся проявують при узшой групѣ хворот и так указують на тоту групу, што в комплексѣ з далшым выгледаньом дасть можность роспознати хвороту. Патогномоничны суть такы симптомы, што ся проявують лем при едной хворотѣ и так мають абсолутный диагностичный вызнам.
См. тыж Синдром
Жерела и одказы Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. . Соколов Е. И., Полосою Т. А. Симптом. //Краткая Медицинская Энциклопедия, гл. ред. акад. Петровский Б.В., издательство "Советская Энциклопедия", издание второе, 1989, Москва
Референции
Катеґорія:Медицинска терминология