Доминиканска република, República Dominicana — испаноязычна островна держава в Карибском мори на островѣ Гиспаньола, в его восточной части. На западѣ сосѣдуе з Гайти, франкоязычнов негритянсков державов, котра занимать западну третину острова.УСЭС, том. 1, сс. 558-559.Трёшников А.Ф., сс. 156-157. Довжина границѣ 376 км.Dominican Republic. //The World Factbook.
География Клима вогка тропична, влѣтѣ суть часты ураганы. Рочны опады 1000 аж 2000 мм. Рельеф гористый, зоз уродныма долинами. Найвысша точка — Верх Дуарте, 3175 м н.м.
История 1492-1795 — испанска колония од объявлѣня острова Колумбом; 1795-1803 — французска колония; 1804-1808 — выголошена независимость од Франции, домова война; 1809-1820 — испанска колония; 1821 — ослободителна война и независимость од Испании; 1822-1843 — гайтянска окупация ; 1844 — антигайтянске восстаня и выголошѣня Доминиканской републикы; 1861-1865 — испанска окупация; 1865 — антииспанске восстаня, испанске войско одышло; 1865-1915 — серия переворотох, економичны проблемы; 1916-1924 — америцка окупация; 1930-1961 — диктатура генерала Рафаела Трухильо; диктатор быв забитый 30. мая 1961, але он уже три рокы перед тым меновав своим наступником Хоакина Балагера, котрый тыж мав подтримку США. 1963 — военный переворот; 1965 — повстаня против хунты и за тым америцка окупация; 1966-1996 — владу доставать «мягшый» диктатор Хоакин Балагер, который ю твердо тримле майже в повном россягу 30 рокох;
Обывательство Расове зложѣня: Мѣшанцѣ — 70,4% метисы — 58% мулаты — 12,4% чорны — 15,8% бѣлы — 13,5% иншы — 0,3% Дискриминованов меншинов суть Гайтяне, котры масово приходять ту за роботов, принимають тоты найслабше плачены замѣстнаня, родять дѣтей и претендують на доминиканске державянство, але доминиканскы законы им то не дозволяють; такы имигранты и их дѣти не можуть достати идентификачну карту Доминиканця, без котрой не можуть ту ити до школы, достати безплатну медичну помочь, наконець ани легалне замѣстнаня. Тота мешина числить около 200 тысяч людей.http://www.nytimes.com/2013/10/24/world/americas/dominicans-of-haitian-descent-cast-into-legal-limbo-by-court.html?_r=0
Повинне школне дохаджаня: 7—14 рокы.
Економика Традичныма експортныма продуктами од глубины истории были: цукор, какао, кава, доган.
Економика зависить высоков мѣров од США, куды иде около 50,3% експорта и одкы приходить 41,4% импорта. Од конця диктаторской добы в економицѣ стали ся штруктурны перемѣны: аграрный сектор перестав быти главным в резултатѣ роста ставебництва, туристикы и вольных торговых зон. Главны секторы: службы — 60,7%; промысел — 33,8%; земледѣлство — 5,5%. Векшу частку в експортѣ прибрало и горництво од року 2012, по реконштрукции золотой и стрѣберной банѣ Пуебло Виехо, едной з найвекшых во свѣтѣ. Под чертов худобности жие 30,5% людей (2016). Вонкашный довг мать ростучый тренд: $29,69 млрд (2017); $27,7 млрд (2016). Главны конари економикы: туристика, переробка цукровой тростины, добываня золота, текстилна продукция, цѣмент, доган, електрочасткы, медицинскы апараты. Рочный рост по року 2015 — 5-7%. Безроботя — 5,5%.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. Dominican Republic. //The World Factbook. Central Intelligence Agency (US) Свѣтовый банк: ГДП держав свѣта подля ПНС в року 2017 (.pdf)
Референции
Катеґорія:Островны штаты
Катеґорія:Країны Катеґорія:Державы Сіверной Америкы Катеґорія:Середна Америка