Буржуазия, од bourgeoisie од burgus (укрѣпленый город); — подля марксистичной наукы: пануючый клас капиталистичного сполоченства, котрый е властником выробных средств и добывать собѣ богатства путьом експлоатации найомной роботной силы.Украинский советский энциклопедический словарь, т. 3, с. 240.
Западна социология и политология мать на то одповѣдник середный клас, а понятя буржоазия поважуе за вытвор Карла Маркса и тых, што были под его вплывом.Alan Ryan: Bourgeoisie, social class.
Етимология и хоснованя слова Слово походить из латины через французскый bourgeois, а первый раз го поужив в року 1564 во своей роботѣ Теодор де Беза́ в значѣню «варощанин».Merriam-Webster dictionary.
В живой народной бесѣдѣ понятя буржуа, буржуй означать мѣщуха, чоловѣка материалных интересох, котрый ся усилуе быти «решпектабилный».
Представитель буржуазии называть ся буржуа од bourgeois, а в простонародной речи з высмѣвным тоном буржуй:
Буржуазия в марксистичной теории и в реалности Подля теории Маркса буржуазия сама собѣ родить гробаря: тым гробарьом е пролетариат, а в наслѣдку неминучой револуции и диктатуры пролетариата буржоазия як клас пропаде.
В российской практицѣ за буржуа быв поважованый каждый заможнѣйшый чоловѣк, а того мож было безкарно обобрати, аж и забити.
В Китайской людовой републицѣ, котра декларативно слѣдуе марксистичной теории, на практицѣ буржоазия признана повноправным и хосенным социалным класом сполоченства. Коростиков М. Ю. Власть и собственность в Китае. //Сравнительная политика, 2015, №2(19), сс. 50-65. Одчитане: 15.06.2018
Уже и в добѣ Маркса было ясно, же буржозия ани не гомогенна, ани не ладить играти тоту роль, котру ей выписав Маркс. Насправдѣ во многых державах середный клас в реалности не мож описати як буржоазию. В западной фаховой литературѣ термин буржоазия майже пропав уже од середины 20. ст. Але тот погляд, котрый первым выповѣв Аристотел, же в основѣ политичных конфликтох суть конкурентны економичны интересы — продовжать быти популарным и в сучасности.
Жерела и одказы
Bourgeois. //Merriam-Webster dictionary. Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3.
Референции
Катеґорія:Социална штруктура