Славяне суть етничнов и языковов групов Индоевропанох, котры обывають передо вшиткым середну и восточну Европу. В истории суть познаты од 6. ст., коли ся зачала их експанзия в Европѣ.
В днешности общепризнано Славяне ся дѣлять на: восточны (главнѣ Бѣлорусы, Русы и Украинцѣ), западны (главнѣ Лужичане, Поляци, Словаци, Чехы), южны (главнѣ Болгары, Босняци, Македонцѣ, Сербы, Словенцѣ, Чорногорцѣ, Хорваты).
Окрем того удну сих, або меджи нима, суть народы in statu nascendi, котрых етничность е предметом спору: Кашубы, Мораване, Русины, Шлезане.Дуличенко А.Д. (ред.): Языки малые и большие... //Slavica Tartuensia. Tartu University Press. ISSN 1406-3522. Cc. 7-8.
Етногенеза Етногенеза Славянох доднесь неясна. З правдоподобностьов мож повѣсти, же уже перед роком 2000 до Р.Х. Праславяне бывали в Европѣ розсѣяныма островками меджи иншыма народами.Ottův slovník naučný. Том 23, сс.430-431. Подля едной теории сѣдлиско Праславянох, одкы ся росширили было в Карпатской котлинѣ, подля другой — было меджи Вислов, Балтиком и Днѣпром.Синиця Є.В., Терпиловський Р.В.
Под роком 512 первый раз упомянув Славян (яко Склавинох) историк Прокопий Кесарийскый в серединѣ 6. ст., а роздѣлѣня на праславянскы диалекты и поява первых славянскых держав односить ся ку 8-9. ст.
Етимология Назва Славяне первый раз упомянута лем в 14. ст. Найскоршы объяснѣня етимологии одводили тоту назву од слава, а чешскый слависта Йозеф Добровскый — од слово, же тото суть люде, з котрыма ся мож дорозумѣти, опроти тым котры суть Нѣмцѣ. Авшак сучасны етимологы понукли иншы теории, же тото слово, понеже его зачаточна форма *slověninъ, мать походити од топонима, напримѣр од назвы рѣкы Слава.Jiří Rejzek: Český etymologický slovník. (2. nezm. vyd.), Vozice: Leda, spol. s.r.o., 2012. . Стор. 613.
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. . Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Синиця Є.В., Терпиловський Р.В. Походження та рання історія слов'ян. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ((ISBN| 966-00-0632-2}} Том 9: .
Референции
Катеґорія:Славяне