Мо́ррис Сво́деш (англ. Morris Swadesh, * 22. януар 1909 – † 20. юл 1967) быв вплывный и контроверзный америцькый лингвиста.
Биография Родив ся в Голиоук, Массачузетс (англ. Holyoke, Massachusetts) во фамилии иммигрантох з Бессарабии. В родинѣ ся говорило на йиддишѣ, але и по русскы и английскы, и тоты языкы знав уже од малости. Штудиовав на Чикагской универзитѣ, де року 1931 зыскав ступень магистра, а пак на Йейлской универзитѣ, Коннектикут, зыскав докторат Ph.D., (1933) з диссертациов на тему семантикы языка Нутка, индианского племени в Канадѣ. Робив яко высокошколскый профессор в США (1933–39, 1941–53) и в Мексику (1939–41, 1956–67).
В часѣ Другой свѣтовой войны служив в Бурмѣ на военых проектах армии США, де реферовав материалы на бурманском, китайском, русском и испанском языках. Написав тыж учебникы про америцке войско, хоснованы на выуку китайского и русского языкох.
Свадеш жив в малженствѣ еден час (1931–1937) з Мери Гаас,Mary Rosamond Haas, Yale University, докторат Ph.D., 1935. колегыньов з Йейлской универзиты. З ньов в сполуавторствѣ опубликовав даколько робот. По розводѣ быв женатый з Франсез Леон,Frances Leon. з котров въедно робив в Мексику; они розвели ся в конци 1950-х, и тогды женив ся з лингвистков Еванхелинов Аранья.Evangelina Araña.
Умер в Мексико Сити, на сердцьовый напад, за робочым столом.Morris Swadesh, 1909-1967 //American Anthropologist, №70, 1968, рр. 755–756.
Гипотеза Сводеша Став ся знаный вдякы складеному ним списку 215 найважнѣйшых слов, котрый пак зменшив до 100 слов (Список Сводеша) и гипотезѣ, подля котрой тоты слова суть достаточны про вшыткы языкы, кедь хочеме з их помочов вызначити близкость даякой пары языкох.
Тота гипотеза пробудила контроверзии межи лингвистами, але сам список и методы поровнателной лингвистикы, оперты на ней, зостали приятыма в лингвистичну методологию.
Главны роботы 1950. "Salish internal relationships", International Journal of American Linguistics 16, 157-167. 1952. "Lexicostatistic dating of prehistoric ethnic contacts", Proceedings American Philosophical Society 96, 452-463. 1955. "Towards greater accuracy in lexicostatistic dating", International Journal of American Linguistics 21, 121-137. 1962. "Linguistic relations across the Bering Strait", American Anthropologist 64, 1262-1291. Повна библиография публикованых робот (на испанской Википедии).
См. тыж Список Сводеша
Жерела и одказы Morris Swadesh, 1909-1967 //American Anthropologist, №70, 1968, рр. 755–756. (англ.+фото)
Референции
Катеґорія:Лингвисты