Ла́слов Чопе́й (; *1. октобер 1856, Ромочевиця, жупа Берег, Мадярске кральовство — †23. юний 1934, Будапешт, Мадярске кральовство) — гимназиалный професор в Будапештѣ, спорядник руськых учебников про народны школы Подкарпатя, словникарь, реформатор языка, товмач, педагог и популаризатор наукы и литературы.
Биография Отець Ласлова Чопея, Базил Чопей, служив пѣвцоучительом в Залужу, недалеко од Мукачова.Атилла Холлош. Жизнь и труды Ласло Чопея. Сс. 40–41. Дѣтвак до шѣстьрочного вѣку знав лем материнскый руськый язык, але на мукачовской, а од другой классы на ужгородской гимназии добрѣ освоив русскый, а пак служачи в войску, сербскый и словацкый. Року 1879 на Будапештской универзитѣ достав посвѣдку за шѣсть семестров физикы и математикы, в котрой тыж зазначено, же абсолвовав языковы и литературны курсы. Того же року по конкурсу доставать мѣсто русского товмача в канцеларнѣ премьер-министра. Csopey László. // Révai Nagy Lexikona. V. köt. Bp., 1912. 148. old. Року 1883 зыскуе диплому учителя физикы и математикы. Од року 1887 доставать пост помочного, а од року 1892 дефинитивного гимназиалного профессора. В рр. 1887–1906 выбраный на подсекретаря Мадярского Кралевского Природописного общества (Magy. Kir. Természettudományi Társulat) и робить сполуредактора Природописного Вѣстника (Természettudományi Közlöny).Атилла Холлош. Жизнь и труды Ласло Чопея. С. 49. В рр. 1881–1884 по программѣ Министерии Просвѣты и Култов приготовив цѣлый ряд учебников про руськы народны школы, котрых язык максимално приближав ку народной бесѣдѣ, а тыж збогачовав язык властнов словотворбов в припадѣ, коли народна бесѣда не стачила. Умер в Будапештѣ и погребеный на теметовѣ Фаркашрейт.
Оцѣнкы трудов Ласлова Чопея Чопей найвеце познатый своим словником (Русько-мадярський словарь — Rutén-magyar szótár, 1883), котрый быв признатый найлѣпшым в конкурсѣ, выголошеном Мадярсков Кралевсков Академиев и вызнаменаный премиов Фекешгази (1881). Конкурентным быв словник Митрака, котрый основав ся на великорусчинѣ з невеликым додатком «областных» (подкарпатскых) слов. В опредѣлѣню конкурсовой комиссии было зазначено, же словник Чопея признавать ся лѣпшым, бо основаный на мѣстной бесѣдѣ.
В украинском языкознаню словник Чопея достав высоке оцѣнѣня. Цѣнить ся, же у передсловѣ до словника Чопей досвѣдчать окремѣшность малоруського языка.Німчук В. В. Чопей Василь // Українська мова: Енциклопедія.
В мадярской сосполной думцѣ Чопей найвецей цѣненый за его товмачѣня русской беллетристикы, литературознательскых и иншых фаховых книг, як и за спомянутый словник.Csopey László. // Révai Nagy Lexikona. V. köt. Bp., 1912. 148. old.
Подкарпатска интеллигенция еще не была готова прияти реформаторскы учебникы и словник, Иштван Удвари. Памяти Ласло Чопея. // Studia Slavica Hungaricae. XXXVII. Bp. 1991–1992. Cc.467–473. народна бесѣда еще все была поважована достойнов лем про корчму, не про литературу и науку. Примѣром реакции на змаганя Чопея быв верш Александра Павловича Василь роду измѣнил. Василь роду измѣнил, русскій букварь осквернил.
Библиография робот Библиография опубликованных робот Ласлова Чопея в монографии А. Голлоша занимать 32 стороны Атилла Холлош. Жизнь и труды Ласло Чопея. Сс. 52–84. Главны роздѣлы библиографии обсягують: литературознаня — 8 робот; етнография — 17 робот; языкознаня — 4 роботы; товмачѣня русской беллетристикы — 21 робота; товмачѣня фаховой литературы — 8 робот; учебникы про руськы школы — 8 робот; статьи з природознаня — 209 робот; статьи о географичных експедициях — 23 роботы.
Жерела Німчук В. В. Чопей Василь // Українська мова: Енциклопедія. — К.: Українська енциклопедія, 2000. Csopey László. // Révai Nagy Lexikona. V. köt. Bp., 1912. 148. old. Иштван Удвари. Памяти Ласло Чопея. // Studia Slavica Hungaricae. XXXVII. Bp. 1991–1992. Cc.467–473. Атилла Холлош. Жизнь и труды Ласло Чопея — Hollós Attila. Csopey László élete és művei. Ниредьхаза 2004 — Nyíregyháza, 2004.
Одказы Василь роду измѣнил, русскій букварь осквернил Світова академія русинської культури
Референции Катеґорія:Русиньскы лінґвісты Катеґорія:Русиньскы педаґоґы