Таджікістан (тадж. Тоҷикистон, [tɔdʒikisˈtɔn]), офіціално Републіка Таджікістан (тадж. Ҷумҳурии Тоҷикистон) — гориста країна в Середнюй Азії. Граничит из Афґаністаном на юзі, Узбекістаном на западі, Кірґізстаном на сівері тай Китайом на востоці.
Територія Таджікістана была частьов многых держав и імперій, межи ними державы Ахеменідув и Сасанідув, Монґольска и пак Російской імперов. Таджікістан из теперішніми гатарами ся появив у Совєтьскому союзі, спершу як автономна републіка в Узбекістані, пак уд 1929. года як окремішня совєтьска републіка. Скоро по независимости Таджікістана (9. септембра 1991) ся почала гражданьска война (1992 — 1997). Уд 1992 року в довжности главы державы є Емомалі Рахмон, фактично як авторітарный правитель.
Булшина жителюв сут таджікы подля народности и мусулмане подля реліґії. Економіка Таджікістана силно зависит уд пересылкы гроши из заробкув, майбулш из Росії (почти половка ГДП). Другыми важными секторами сут выроба памута тай алумінія.
Таджікістан Катеґорія:Штаты і теріторії, котры основаны 1991