Луксембург, повнов назвов Велике герцогство Луксембурга, Grousherzogdem Lëtzebuerg, Grand Duché de Luxembourg, Großherzogtum Luxemburg — держава в западной Европѣ. Головне мѣсто — Луксембург. Официална валута — евро. Луксембург е закладаючым членом Европской унии од року 1957. Обывательство — 0,6 милиона особ; густота залюднѣня — 233/км². Територия — 2586 км². Урядны языкы: луксембургскый, французскый и нѣмецкый.
Луксембург граничить з Франциов на югу, з Нѣмечинов на востоку и з Белгиов на западѣ.
Административне дѣлѣня Штат подѣленый на 3 округы, 12 кантонох и 105 комунит.
Округ Дикирх — 5 кантонох, границя з Белгиов и Нѣмечинов Округ Гревенмахер — 3 кантоны границя з Нѣмечинов и Франциов Округ Луксембург — 4 кантоны границя з Франциов и Белгиов
Обывательство Подля штатистик в зачатку року 2018 обывательство штату чинило 602 тыс. особ, з того 52,1% — Луксембурчане, а 47,9% — чужинцѣ, меджи котрыма найвекшу частку мали Португалцѣ (16%).Обывательство Луксембурга.
90% обывательства суть римокатоликы.Encyclopaedia Britannica.
Политичне заряджѣня Луксембург — конштитучна монархия. Голова державы — великый герцог. Законодарный орган (парламент) — Палата посланцьох, екзекутивный орган — влада.Украинский советский энциклопедический словарь, т.2, с. 302. Великый герцог мать право роспустити парламент, менуе голову влады, а тыж схвалюе законы и мать право вета. Реална выконна влада е в руках премьер-министра.
Економика Од конця 19. ст. економика Луксембурга была закладена на продукции желѣза и оцели, але од року 1970 тот конарь зачав утрачати свою профитабилиту. Од конця 20. ст. економика переориентована, Луксембург став ся важным свѣтовым финанчным центром, дякуючи выгодной даньовой политицѣ ту суть сѣдлиска великых меджинародных компаний, штаб-квартиры многых европскых организаций. Главныма торговыма партнерами суть сосѣды: Белгия, Германия, Франция. В аграрном секторѣ найвызнамнѣйшов е продукция вина з винниць, положеных в долинѣ Мозели. B Луксембургe є офіціална мена Евро.
Жерела и одказы Luxembourg. //Encyclopaedia Britannica. Люксембург. //Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. С. 302. Обывательство Луксембурга.
Референции
Галерея
Катеґорія:Країны Европы Катеґорія:Европска унія Катеґорія:Країны Катеґорія:Державы НАТО