Бо́йкы (, , ) — верьховиньска етнічна ґрупа мішаного походжіня: україньского і Русиньского, бываюча у Выходных Карпатах. На западї сусїдять з Лемками, на выходї з Гуцулами.
Язык Бойків є єдным з діалектів Русиньского языка, з великым вплывом церьковнославяньского языка, і тыж вплывами язкыків: польского, словеньского, мадярьского і румуньского.Boykos
Історіци і етноґрафове Польскаprof. A. Fastnacht, prof. R. Reinfuss, T.M. Trajdos, dr. J. Czajkowski, dr. A. Wielocha, УкраїныІван Франко, R. Kyrchiv, M. Utrysko, V. Konoplia і далшы выводжують різны варіанты походжіня того етноса. Міджі іншым:
В XIX сторочу україньскы поеты і етноґрафове, представителї тзв. Руськой Тройцї – Маркіян Шашкевич, Іван Вагилевич і Яків Головацькый уважовали, же Бойкы суть потомкове зославянізованых келтьскых племен, котры жыли в Централній Европі в VI. ст. п.н.е. З подобным поглядом быв згоден в XX. сторочу україньскый дослїджователь Сергій Шелухин.Émigré Archival Ucrainica Retrieved: Prague, Kyiv, and Moscow
Навспак Роман Реінфусс твердить, же на теріторії Польска Бойкы суть потомками русько-волоськых колонізаторів, приселены на тоты теріторії головно в XVI. ст.Опис з фотоґрафіями Романа Реінфусса Подобно змышляли ай Адам Фастнахт, Тадеуш Миколай Трайдос і Др. Єжы Чайковскі.
Тадеуш Сулімірскі представив в роцї 1974 контроверзный погляд на тему походжіня Бойків і Лемків. Цїлком підкошує тезы о волоськых пастырях. Він твердить, же Волохы суть автохтонны потомкы дацько-трацькых пастырїв, даколи населяючіх тоты части Карпат. Они ся стали хлїборобцями, а етноґрафічна ґрупа Бойків повстала у вынику колонізації верьховины руськыма долинянамиTadeusz Sulimirski, Trakowie w północnych Karpatach i problem pochodzenia Wołochów.
В 90. роках XX. стороча проф. Пол Роберт Маґочі і проф. Пол Бест прирядили Бойків до народа карпаторусиньского. Они твердять, же на теріторіях Польска, Словеньска, Україны і Сербії жыє сполочность карпаторуського походжіня (коло 1,2. млн. людей), до котрого окрем Бойків прираховали тыж Лемків і Гуцулів, котрых ся не вдало зукраїнізовати — інакше повіджене, тоты ґрупы мають русиньску самосвідомость і суть четвертов выходославяньсков націёв вєдно з Українцями, Росіянами і Білорусами"Czy w XX w. w Europie Środkowo-Wschodniej powstają nowe narody?". J. Lewandowski [w:] Wokół antropologii kulturowej, pod red. M. Haponiuka i M. Rajewskiego, Lublin 1999, s.42-43 konferencja naukowa Czy istnieje czwarta Ruś? Wokół tożsamości kulturowej w regionie karpacki.
Референції
Література „Płaj” nr 6 – „Bojkowszczyzna” – Andrzej Wielocha
Повазаны статї Русиньскый язык Лемкы Гуцулы
Екстерны одказы O Bojkach
Катеґорія:Карпаты Катеґорія:Бескиды Катеґорія:Русины Катеґорія:Етнічны ґрупы