Петро Кузмяк (*1816, Страняны — †13. януара 1900, Руски Керестур) — педагог, поет, церковный и сполоченско-културный дѣятель меджи пряшовскыма и войводинскыма Русинами.Краєзнавчий словник русинів-українців. ПряшівщинаPaul Robert Magocsi: Kuzmiak, Petro
Биография Уродив ся в селѣ СтраняныТогдышна назва села была Фольварк. року 1816, в селянской родинѣ. Гимназию выштудовав в Подолинцю и Дебреценѣ (1836).
Вступив до грекокатолицкого василианского монастыря в Мукачовѣ, де в часѣ выукы тыж навщѣвляв педагогичны курзы в Ужгородѣ. Там ся выучив хоровому спѣву од Константина Матезонского и достав квалификацию, котра му давала право робити учительом и нотарьом. Незадоволеный монастырскым животом, Кузмяк лишив Мукачово и в роках 1838–1854 учительовав в русинскых зачаточных школах Пряшовщины.
Быв учительом в селѣ Шамброн (1838–41) и Якубяны (од 1841). За активность в часѣ револуции 1848–49 быв арешованый. В тых селах служив тыж як церковный кантор и нотарь.
В року 1854 з родинов одышов до Руского Керестура, де працовав як учитель до року 1892, майже четыри десятьроча. В Руском Керестурѣ Кузмяк организовав хор и заохочовав молодеж писати спѣванкы ай зберати фолклорну музику и вершы серед мѣстного русинского обывательства. Знамы суть його вершы «Прилетѣла зозуленька», «Спѣвай жаворонку»..
Кузмяковы перебывали в худобности, бо в родинѣ были десятеро дѣти, а учительска платня на то не стачила.Хто бул Петро Кузмяк Петро Кузмяк умер 13. януара 1900. року в Руском Керестурѣ, де и похованый.
Почестованя
Як вызнаня його пионерской чинности меджи войводинскыма Русинами нова школа и гимназия в Руском Керестурѣ, котра была выставлена по Другой свѣтовой войнѣ, достала имя Петра Кузмяка.
Перед школов стоить бюста первого учителя (1989; автор Силвестер Макаи, коцурскый учитель, малярь и скулптор). И една улиця в Руском Керестурѣ несе ймено Петра Кузмяка.ПЕТРО КУЗМЯК (НАР)
Повойновы переселенцѣ з Руского Керестура до Нового Орахова (при Бачкой Тополѣ) назвали свое културно-умѣлецке дружство КУД „Петро Кузмяк“.
Литература и одказы Paul Robert Magocsi: Kuzmiak, Petro' //Encyclopedia of Rusyn History and Culture. Revised and expanded edition. Edited by Paul Robert Magocsi and Ivan Pop. - Toronto-Buffalo-London: University of Toronto Press, 2005 (1st edition - 2002). Page 262 of 569.
ПЕТРО КУЗМЯК, Новинарска асоцияция Руснацох (НАР)
Референции
Катеґорія:Русиньскы поеты Катеґорія:Русиньскы народны дїятелї Катеґорія:Русиньскы педаґоґы Катеґорія:Персоналии 19. стороча Катеґорія:Руски Керестур