Fërvé a l'é lë scond mèis ëd l'ann conforma al calendari gregorian. A conta 28 di (29 ant j'agn bissestij).
Sò nòm a ven dal latin Februarius, visadì "(ël mèis) dij Februa". Cost-sì a l'é ël plural ëd Februus, ël nòm dij rit ëd purificassion che ij Roman a selebravo ai 15 dël mèis.
Ël calendari roman antich a contava mach 10 mèis e 304 di, përché l'invern a l'era considerà na stason sensa mèis. Ël prim mèis ëd l'ann a l'era mars. Ij mèis ëd gené e fërvé a l'ha giontaje ël re Numa Pompili.
Ant l'emisfer nòrd fërvé a l'é un mèis invernal, mentre che ant l'emisfer sud a l'é estiv e a corispond climaticament a nòst mèis d'ost.
Fërvé ant ël gergon Ant ël gergon dla mala ëd Turin, fërvé a l'era ciamà trentin dël ginich.
Fërvé ant ij proverbi Fërvé a l'é curt, ma s'as gira andré a l'é pes d'un turch. Fërvé a l'é 'l mèis che le fomne a parlo pì pòch. Fiòca 'd fërvé a buta pòch gran ant ël grané. Na pieuva 'd fërvé a val ël giuss dl'aliamé.
Categorìa:Mèis ëd l'ann