Una fasenda (var. gasc. hasenda) es un tipe de domeni rural e bastiment agricòla en Occitània.
Lo o la "bracièr•a agricòla" que trabalha una fasenda es apelat•ada un•a fasendièr•a (hasendèr•a en gascon, autres dialèctes fasendier•a, fasendeir•a, fasendièira, etc.).
Etimologia Lo tèrme fasenda es eiretat del latin medieval facienda "domeni agricòla", del latin classic facienda, "que deu èsser fach". Es donc aparentat al catalan feina, al castelhan hacienda, e al portugués fazenda.
En occitan ancian i a doas ortografias: fasenda o fazenda.
Toponimes Fasenda (fr Fazende), mas près Santa Aulalha, Ardecha (07). Anciana atestacion: Fezinde al sègle XVIII.
La Fasenda (fr La Fazende), domeni roïnat, près Glenat, Cantal (15). Ancianas atestacions Affarium del Farancf en 1323; Affariumde la Fazenda en 1357; Mansus de la Fezenda en 1395
La Fasenda (fr La Fazende), domeni roïnat, près Sent Santin de Cantalés, Cantal 15. Anciana atestacion: Mansus de la Fasenda en 1322.
La Fasenda (fr La Fazende), masatge, vacariá e castèl destruch, près Sant Saurin, Cantal (15). Ancianas atestacions La Fazenda en 1357; La Fazende en 1665; La Fagende en 1748; La Falzinde; La Juzende.
Fasenda (fr Fazende), domeni près Gigondàs, Vauclusa (84).
Veire tanben
Nòtas e referéncias
Categoria:Arquitectura occitana Categoria:Agricultura