Henri de Jordan nascut a Alger lo 13 setembre 1944, decedat lo 31 genièr 1996 a Royan, foguèt un artista pintor francés. L’essencial de la carrièra d'Henri de Jordan s'espandís de a .
Georges-Henry Gourrier diguèt d’el : "Henri de Jordan aprenguèt fòrça lèu l'importància de la lutz. Aviá pels paisatges una passion sensuala e a còps violenta, noirida per la permanéncia de l'ensolelhament mediterranèu.Seis telas estructuradas en grands plans orizontals d'una matèria espessa e fluida segon la luminositat recercada, exprimisson una sensibilitat a la natura d'un rafinament aristocratic. Sos vèrds, sos blaus, sos ròses e sos roges brunats balhan a sas composicions una estilistica marcada e la plenitud d’un cèrt bonur de pintar.''"
Biografia
Familha
Henri de Jordan nasquèt lo a Alger. D’un paire artista pintor e d’una maire catalana descendenta de la familha GüellDonadas del Burèu Eraldic de França – Relevat d'Armas de la familha Guell (cavalièr de) originària del Castèl de Bellegarde en Rosselhon..
Quitèt l’Algèria après qualques meses per los Pirenèus Orientals. Passèt son enfança entre la Còsta Vermelha e la Cerdanha, ont naissèt lo gost de la color e dels grands espacis.
L'artista
A 13 ans, ganhèt un primièr prèmi del concors « C’est jeudi » organizat per Jean Nohain, amb una mencion onorabla e las felicitacions del jurat de l'auditori de NiçaLa Dépêche du Midi, 17 de febrièr de 1983.. Al començament dels ans 1960, integrèt l’École supérieure Tessier de Tours.
Foguèt puèi remarcat a Perpinhan per Firmin Bauby a Sant Vicens. I descobriguèt la pintura sus ceramica e la tapissariá d'art. Trabalhèt amb Jean Picart le Doux e Jean Lurçat, amb qui entretenguèt una longa amistat. I rencontrèt tanben Dalí, Picasso, etc.
A la fin dels ans 1960, al costat de Firmin Bauby, faguèt pendent dos ans un tor del mond dins mai de quaranta païses e territòris. D’aquel viatge ne tirèt un enriquiment pictural que gardèt tota sa vida. Coma Paul Gauguin, foguèt fòrça marcat per las colors de la Polinesia. Mas tanben per aquelas del Brasil, del Guatemala, de l’Argentina, del Mexic, del Japon, de l’Iran, de l’Índia, d’Egipte, del Liban, de Hong Kong e de New York.
De retorn en França, lancèt definitivament sa carrièra de pintor. De 1968 a 1978 s’installèt a Narbonne entre mar e Corbièras. Puèi, fins a 1982, foguèt a Fanjeaux. Puèi partiguèt a Grenoble per s’impragnar de sas coronas de montanhas e de lors lutzesLe Dauphiné Libéré.. I dobriguèt una galariá avenguda Alsace-Lorraine. Qualques ans mai tard, se retirèt dins la calma de la Dròma pendent qualques ans. En 1990, s’installèt en Charente-Maritime, que quitèt pas pus.
Durant sa carrièra, exposèt dins lo mond entièrEntrevistas dels descendents e consultacion de documents d'archius familials..
Jordan, Henri de Jordan, Henri de Jordan, Henri de