thumb|Catedrala A Tolon, la Bassa Vila es lo nom donat a la vila anciana bastida dedins lo plan istoric dau barri medievau e pre-modèrne ; tan vau dire, subretot, la vila inclusa dins lei fortificacions medievalas en mai dei terrenhs ganhats subre la mar sota lo regnat d'Enric III de Navarra e IV de França. La majoritat de seis ostaus son dei sègles XVII e XVIII (e mai se lei sègles seguents son representats tanben) ambé de portaus ben identificables d'aquesteis epòcas.
Fins a la segonda mitat dau sègle XIX, lei diversas classas socialas de la societats tolonenca li demoravan ensems e s'i mesclavan ; ambé la destruccion dei fortificacions se bastiguèt l'Auta Vila monte la borgesiá s'anèt viure per abandonar la Bassa Vila e sei carrieras estrechas ambé pauc de lutz e un accès limitat a l'igiena e a la salubritat modèrnas. La Bassa Vila venguèt un quartier popular e meme paure, abandonat e en mau estat. Durant la segonda mitat dau sègle XX sieguèt un luòc de delinquéncia escaissat meme lo Pichon Chicago (en referéncia a l'activitat criminala de la principala vila d'Illinois dins leis annadas de la Proibicion).
Durant la Segonda Guèrra Mondiala lo quartier sieguèt fòrça tocat per lei bombardaments nòrd-americans. L'ancian Cai dau Pòrt sieguèt entierament avalit e un certe nombre d'edificis caigueron, e mai se globalament l'emsemble de l'Auta Vila demorèt dquilhada.
L'abandon pasmens e una politica municipala de demolicion marqueron leis annadas de la legislatura de Maurici Arreckx e faguèron tombar una granda partida de l'Auta Vila (en particular l'ostau de Vincent Cordoan).
Dempuei la legislatura d'Hubert Falco, un certe nombre de carrieras son en reabitacion ; mantun immòble, pasmens, son encara avalits, victimes de tròp d'annadas de negligéncias.
Dins l'Auta Vila se tròban : La Catedrala de Nòstra Dòna de la Seds La Glèia de Sant Francés de Pau La Glèia de Sant Loís La Plaça de l'Òli Leis ostaus de Carles Poncy de d'Estève Pelabon Lo Centre Comerciau Mayol Lo Collègi de Peiresc Lo Cai de Cronstadt La mairia modèrna L'Opèra de Tolon
Galariá
Categoria:Quartier de Tolon