Kolmule (Micromesistius poutassou) er ein fisk i torskefamilien. Han lever på 200-500 m djupne, og kan bli opptil 50 cm lang. Utbreiingsområdet dekkjer Nord-Atlanteren frå Marokko i sør til Svalbard og Island i nord. Det viktigaste gyteområdet er eggakanten vest for Dei britiske øyane. Ein finn òg ein liten kolmulebestand mellom Canada og Grønland, og i Middelhavet. Levande kolmule er eit sjeldan syn i Noreg, men ein kan fanga han med line.
mini|venstre|Kolmular på ein spansk supermarknad.
Kolmulen er ein viktig industrifisk som blir brukt til fiskemjøl og olje. I 2003-2004 var han Noregs største fiskeri. Fisket pågår hovudsakleg om våren vest for Dei britiske øyane der kolmulen gyt, og gjennom året i Norskerenna.
Bakgrunnsstoff Havforskingsinstituttet: Havets ressurser og miljø 2009 Havforskingsinstituttet si infoside om kolmulen Norges fiskerier Kolmule på fiskeri.no Kolmule på FishBase (på engelsk) The Marine Fauna Gallery of Norway: bilete av levande kolmule
Kategori:Torskefamilien