Amanda Seyfried () er ein skodespelar, sopransongar og modell frå Allentown i Pennsylvania i USA.
Amanda Seyfried begynte å jobba som modell allereie som 11-åring, men slutta med det året ho fylte 17. Medan ho framleis var i tenåra tok ho songtimar og studerte opera. Den fyrste skodespelarjobben hennar var ei rolle i såpeserien As the World Turns 1999-2001, som då hadde gått samanhengande på amerikansk fjernsyn sidan 1956. Den fyrste filmrolla hennar var Lindsay Lohan-filmen Mean Girls (2004).
I 2008 fekk ho rolla som Sophie i ABBA-musikalfilmen Mamma Mia!, der ho song fleire ABBA-klassikarar for filmlerretet. Filmen hjelpte henne å bryta gjennom internasjonalt som skodespelar. Ho har seinare spelt hovudrolla i filmane Jennifer's Body (2009), Chloe (2009), Dear John (2010), Letters to Juliet (2010), In Time, samt Raudhette-filmen Red Riding Hood (2011).
I 2012 spela ho Cosette i Tom Hoopers filmatisering av musikalen Les Misérables, med m.a. Hugh Jackman, Anne Hathaway og Eddie Redmayne. Same året spela ho hovudrolla i Gone og året etter i Lovelace.
Kjelder Profil og filmografi på The Internet Movie Database Denne artikkelen bygger på «Amanda Seyfried» frå , den 28. november 2013.
Kategori:Folk frå Pennsylvania Kategori:USA-amerikanske skodespelarar