«Land of a Thousand Dances» (eller «Land of 1000 Dances») er ein song skriven og først innspelt av Chris Kenner i 1962. Songen er kjend for «na na na na na»-partiet, som Cannibal & the Headhunters la til i versjonen i 1965. dei nådde 30. plassen på Billboard-lista. Den mest kjende versjonen av songen vart spelt inn av Wilson Pickett i 1966. Han nådde toppen av R&B-lista med songen og vart den største hitten hans. Somme utgåve av songen tilskriv Antoine «Fats» Domino som medlåtskrivar på songen i lag med Kenner. Domino gjekk med på å spele inn songen mot at han fekk halvparten av låtskrivar honoraret for songen.
«Na na na na na»-partiet kom til ved eit uhell då Frankie «Cannibal» Garcia, frontsongaren i Cannibal and the Headhunters, gløymde teksten. Melodien til denne delen vart òg skapt spontant og finst ikkje i originalversjonen til Chris Kenner.
Den originale versjonen til Chris Kenner nemner 16 dansar: Pony, the Chicken, the Mashed Potato, the Alligator, the Watusi, the Twist, the Fly, the Jerk, tango, the Yo-Yo, the Sweet Pea, the Hand jive, the Slop, the Bop, the Fish og the Popeye.
Teksten nemner mange dansar, men ikkje sjølve tittelen på songen. Den originale innspelinga inneheld ein kort, gospelaktig acapella-intro med teksten: «Children, go where I send you / (Where will you send me?) / I'm gon' send you to that land / the land of a thousand dances.» Desse 18 sekunda vart fjerna då songen vart gjeve ut på singel, for å lettare verte spelt på radio.
Wilson Pickett-versjonen
Wilson Pickett spelte songen under den første innspelinga i FAME Studios i Muscle Shoals. (Han hadde tidlegare spelt inn i Memphis.) Innspelinga hans vart gjeve ut som singel og på albumet The Exciting Wilson Pickett. Singelen vart den tredje songen hans som nådde toppen av R&B-lista i USA og den høgaste plasseringa hans på Billboard Hot 100 med ein sjetteplass. I 1988 vart ei nyinnspeling av Pickett nytta under rulleteksten til The Great Outdoors. I 1989 vart den første Pickett-versjonen rangert på 152. plass på lista til Dave Marsh over The 1001 Greatest Singles Ever Made.
Medverkande:
vokal: Wilson Pickett gitar: Chips Moman, Jimmy Johnson klaverinstrument: Spooner Oldham trommer: Roger Hawkins bass: Junior Lowe tenorsaksofon: Charlie Chalmers, Andrew Love trompet: Wayne Jackson barytonsaksofon: Floyd Newman
Lister Cannibal and the Headhunters version Liste (1965) Plassering U.S. Billboard Hot 10030
Wilson Pickett-versjonen Liste (1966) Plassering UK Singles Chart22 U.S. Billboard Hot 1006 U.S. Billboard Hot Rhythm & Blues Singles1
Ted Nugent-versjonen Chart (1981)PlasseringU.S. Billboard Hot Mainstream Rock Tracks47
Kjelder
Denne artikkelen bygger på «en:» frå , den 26. september 2013. oppgav desse kjeldene:
Bakgrunnsstoff
Kategori:Songar frå 1962 Kategori:Singlar frå 1962 Kategori:Singlar frå 1965 Kategori:Singlar frå 1966 Kategori:Singlar frå 1981 Kategori:Wilson Pickett-songar Kategori:Bill Haley-songar Kategori:Patti Smith-songar Kategori:Roy Orbison-songar Kategori:Ted Nugent-songar Kategori:The Walker Brothers-songar Kategori:Ike & Tina Turner-songar Kategori:Little Richard-songar Kategori:Smokey Robinson-songar Kategori:Percy Faith-songar Kategori:Sam & Dave-songar Kategori:The Commitments-songar Kategori:Tom Jones-songar Kategori:The Ventures-songar Kategori:Rufus Thomas-songar Kategori:Songar produserte av George Martin Kategori:Tina Turner-songar Kategori:Songar skrivne av Chris Kenner Kategori:The Knickerbockers-songar Kategori:The J. Geils Band-songar