mini|Røykspor etter meteoritten.
Tsjeljabinsk-meteoritten var ein meteoride som kom inn i jordatmosfæren om morgonen 15. februar 2013 over Ural-regionen i Russland, og tok til å gløda og gå i oppløysing. På grunn av trykkbylgjene som fylgje av at meteoren eksploderte, vart fleire vindaugo knuste i byen Tsjeljabinsk, og eit fabrikktak skal ha falle saman. Meir enn 1 200 menneske skal ha vorte skadde i hendinga, dei fleste av desse fekk kuttskadar og blåmerke.«Russia sends clean-up team to meteorite-hit Urals» - BBC Meteoritten er den største som er rapportert sidan Tunguska-hendinga i 1908, som òg fann stad i Russland; i Sibir. Ein reknar med at det i snitt går 100 år mellom hendingar av same storleiksklasse som Ural-meteoritten.«Russia Meteor Not Linked to Asteroid Flyby» - NASA
Ein av innbyggjarane i Jekaterinburg skildra ljoset frå meteoren som «blendande».«Meteor fall 'injures hundreds' in central Russia» - BBC Mange filma hendinga med frontrutekamera monterte i bilar.«Meteor highlights rise of dashboard cameras in Russia» - BBC
Seinare same dagen, og utan å ha noko med hendinga i Russland å gjera, passerte asteroiden 2012 DA14 rekordnært jorda. Det var eit særs uvanleg samantreff at desse hendingane kom so tett på kvarandre.«Asteroid 2012 DA14 in record-breaking Earth pass» - BBC Meteoren hadde ein tydeleg annleis bane enn asteroiden.
I isen på Tsjebarkulsjøen oppstod eit hòl på seks meter i diameter utan at dykkarar fann meteorittrestar i sjøen.
Kjelder
Kategori:Meteorittar