Ulster Unionist Party (UUP) er det minste av dei to store unionistiske partia i Nord-Irland. Partiet vert nokre gonger kalla Official Unionist Party (OUP). Fram til 2003 var UUP det største unionistiske partiet i Nord-Irland, men ved valet i Nord-Irland i 2003 fekk Democratic Unionist Party fleire røyster og mandat.
UUP vart skipa den 3. mars 1905 i Ulster Hall i Belfast, under namnet Irish Unionist Party. Partiet sitt fremste føremål var å motverka innføringa av home rule, heimestyre for Irland. Partiet hadde frå byrjinga og heilt fram til 2005 formelle band med Oransjeordenen. I og med delinga av Irland på byringa 1920-talet vart òg den irske unionismen delt og eit eige Ulster-parti vart oppretta. Partiet vart det største i Nord-Irland og var i åra 1921-1972 regjeringsparti i den sjølvstyrande regeringa i Nord-Irland.
Partileiar frå 1995-2005 var David Trimble, som gjekk av etter det som for partiet var eit katastrofalt parlamentsval til parlamentet i Storbritannia. Fem av UUP sine seks representantar vann ikkje att setet sitt i parlamentet. Mellom desse var Trimble sjølv. Den 24. juni 2005 vart sir Reg Empey vald til ny partileiar.
Partileiarar
Bilete NamnPartileiarperiode Merknader Oberst Edward Saunderson 1905 1906 Ogso leiar av Irish Unionist Parliamentary Party Walter Hume Long 1906 1910 Ogso leiar av Irish Unionist Parliamentary Party Sir Edward Carson 1910 1921 Ogso leiar av Irish Unionist Parliamentary Party The Viscount Craigavon 1921 1940 Fyrste statsminister i Nord-Irland John Miller Andrews 1940 1943 Andre statsminister i Nord-Irland The Viscount Brookeborough 1943 1963 Tredje statsminister i Nord-IrlandCaptain Terence O'Neill 1963 1969 Fjerde statsminister i Nord-Irland James Chichester-Clark 1969 1971 Femte statsminister i Nord-Irland Brian Faulkner 1971 1974 Sjette og siste statsminister i Nord-Irland Harry West 1974 1979 James Molyneaux 1979 1995 David Trimble 1995 2005 Fyrsteminister i Nord-Irland Sir Reg Empey 2005 2010 Tom Elliott 2010 2012 Mike Nesbitt 2012 2017 Robin Swann 2017
Valresultat
Kjelder
Bakgrunnsstoff
Kategori:Nordirske politiske parti Kategori:Konservative parti Kategori:Nordirsk historie Kategori:Skipingar i 1905
Kategori:Ulster-unionisme