Halvor Nordhaug () er ein norsk teolog og tidlegare biskop i Bjørgvin bispedøme. Foreldra hans var salmediktaren Liv Nordhaug og tidlegare biskop i Møre bispedøme, Ole Nordhaug .
Halvor Nordhaug vart uteksaminert frå Menighetsfakultetet i Oslo i 1978, og året etter vart han ordinert til prest i Fredrikstad domkyrkje. I 1980 vart han feltprest på Heistadmoen, og frå 1981 til 1986 var han prest for norske studentar i utlandet. Frå 1986 til 1991 var han teologisk konsulent i Mellomkyrkjeleg råd før han vart kapellan i Ås kyrkjelyd frå 1991 til 1995. I 1995 vart han rektor ved det praktisk-teologiske seminaret på Menighetsfakultetet. Nordhaug vart verande i denne stillinga til han vart innsett som biskop i Bjørgvin. Han vart utnemnd til biskop i Bjørgvin 25. november 2008, og vart innsett frå 1. januar 2009.
Frå 1993 til 2009 var Nordhaug redaktør i Luthersk Kirketidende. Han har også tidlegare vore nominert til biskop i andre bispedøme i Den norske kyrkja.
Kjelder
Denne artikkelen byggjer på «Halvor Nordhaug» frå , den 27. februar 2012. av Anne Grete Nilsen, henta inn 27. februar 2012.
Bakgrunnsstoff Presentasjon av biskop Halvor Nordhaug med bl.a. talar og ytringar - Frå Bjørgvin bispedøme sine nettsider
kategori:Biskopar i den norske kyrkja kategori:Bjørgvin bispedømme kategori:Norske redaktørar