mini|Tittelsida til Thomas Murner sitt anti-lutherske polemiske skrift Von dem grossen Lutherischen Narren wie ihn Doctor Murner beschworen hat frå 1522. Polemikk (frå gresk polemike (tekhne), 'krigskunst', av pólemos, 'krig, strid')«polemikk», NAOB viser til offentleg ordstrid, særleg i skriftleg form. Omgrepet kan visa til heftig skriftleg debatt, diskusjon og argumentasjon i aviser og tidsskrift, tekstar med brodd mot andre sine meiningar og meir eller mindre sakleg kritikk, gjendriving og imøtegåing av andre sine påstandar og meiningar. Det å drive med polemikk blir kalla «å polemisera», medan einkvan som driv med polemisering kan kallast ein «polemikar».
Det har vore fleire kjende polemikkar gjennom historia. I Noreg var Johan Sebastian Welhaven og Henrik Wergeland litterære fiendar. Welhaven skreiv mellom anna «Henrik Wergelands Digtekunst og Polemik ved Aktstykker oplyste» i 1832. Ei diktsamling av dikta til Welhaven frå 1990 hadde tittelen Diktekunst og polemikk : Johan Sebastian Welhavens dikt.«Diktekunst og polemikk : Johan Sebastian Welhavens dikt», Nasjonalbiblioteket
På 1960-talet markerte Jens Bjørneboe seg som ein skarp polemikar, også omtalt som «rasende polemiker».«Essayisten Jens Bjørneboe», NTNU
Eit antonym (motsett meining) til polemikk er apologia, eller forsvarsskrift.
Kjelder
Delar av denne artikkelen bygger på «Polemikk» frå , den 31. januar 2012 og 17. oktober 2022.
Kategori:Litteratur kategori:Retorikk kategori:Greske ord og uttrykk