«Healing Hands» er ein song av den britiske popsongaren Elton John, skriven av Elton John og Bernie Taupin. Songen vart gjeven ut på albumet Sleeping with the Past i 1989 og var den første singelen frå albumet, på seinsommaren 1989. Songen gjekk inn på Topp 20 i USA. Sidan vart songen gjeven ut som ei dobbel A-side i lag med «Sacrifice», og vart den første singelen Elton John fekk på toppen av singellista i Storbritannia. Songen var inspirert av Four Tops-songen «Reach Out, I'll Be There».
«Healing Hands» gjorde det forholdsvis bra i USA, og nådde 13. plass på Billboard Hot 100 og førsteplassen på Adult Contemporary-lista i oktober 1989. Songen nådde første gongen ikkje Topp 40 i Storbritannia, og det gjorde heller ikkje den første utgjevinga av oppfølgjaren «Sacrifice». Etter at BBC Radio One byrja å spele «Sacrifice» vart songen gjeven ut på nytt i heimlandet med «Healing Hands» på andre sida. Den doble A-sida toppa lista i Storbritannia i fem veker i strekk, og vart den første førsteplassen hans i heimlandet.
Medverkande Elton John: klaverinstrument, solo- og harmonivokal Guy Babylon: klaverinstrument Davey Johnstone: gitar, korvokal Fred Mandel: klaverinstrument Romeo Williams: bassgitar Jonathan Moffett: trommer Marlena Jeter: korvokal Natalie Jackson: korvokal Mortonette Jenkins: korvokal Peter Iversen: Fairlight og Audiofile-programmering
Kjelder
Denne artikkelen bygger på «Healing Hands (song)» frå , den 8. desember 2011. oppgav desse kjeldene: "Healing Hands", The Billboard Book of Number One Adult Contemporary Hits by Wesley Hyatt, s. 352, Billboard Books (1999).
Bakgrunnsstoff
Kategori:Elton John-songar Kategori:Songar frå 1989 Kategori:Singlar frå 1989 Kategori:Songar med musikk av Elton John Kategori:Songar med tekst av Bernie Taupin Kategori:Songar produserte av Chris Thomas Kategori:Songar på toppen av Billboard Adult Contemporary-lista Kategori:Nummer-ein-singlar i Storbritannia Kategori:MCA Records-singlar Kategori:The Rocket Record Company-singlar