«Rocket Man (I Think It's Going to Be a Long, Long Time)» er ein song skriven av Elton John og Bernie Taupin, og opphavleg spelt inn av John. Songen kom først ut på albumet Honky Château i 1972 og vart ein hitsingel. Han nådde andreplassen i Storbritannia og sjetteplass i USA.
Songen baserer seg på eit liknande tema som David Bowie-songen «Space Oddity» frå 1969 (begge innspelingane var produserte av Gus Dudgeon), men ifølgje ei forteljing i boka til Elizabeth Rosenthal, His Song: The Musical Journey of Elton John, var songen inspirert av Taupin som anten såg eit stjerneskot eller ei fly i det fjerne. Teksten omhandlar korleis astronautar ikkje lenger vart sett på som heltar, men at det hadde vorte eit «kvardagsyrke». Som John syng i opningslinjene, «She packed my bags last night, pre-flight. Zero hour: 9 a.m. And I'm gonna be high as a kite by then». Musikalsk er songen ein popballade med intrikat arrangerment, der synthesiser og slidegitar medverkar til den bakomliggande stemninga.
«Rocket Man» vart rangert på 245. plass i 2010 på lista til Rolling Stone over dei 500 beste songane gjennom tidene.
Ein annan song kalla «Rocket Man» vart gjeven ut av bandet Pearls Before Swine i 1970 på albumet The Use of Ashes. I eit intervju med Billboard sa Taupin at han kjente til songen, skriven av Tom Rapp, og at songen hadde vore ein direkte inspirasjon for teksten hans. På grunn av likskapar mellom «Rocket Man» og Bowie sin «Space Oddity». Bowie sjølv tok opp denne samanhengen på konsertversjonar av «Space Oddity» då han song ut «Oh, Rocket Man!»On "David Bowie BBC Sessions 1969-1972", der ein tydeleg kan høyre dette
Listeplasseringar Liste (1972)PlasseringStorbritannia2Tyskland18Irland6U.S. Billboard Pop Singles6Liste (2008)PlasseringNoreg18
Kate Bush-versjonen
Kate Bush gav ut ein versjon av «Rocket Man» i 1991 som ein del av hyllestalbumet til Elton John/Bernie Taupin kalla Two Rooms: Celebrating the Songs of Elton John & Bernie Taupin. Den reggae-aktige versjonen hennar vart ein stor suksess og nådde 12. plass på den britiske singellista og andreplass i Australia. I 2007 vart versjonen av The Observer kåra til den beste coverversjonen gjennom tidene. B-sida til singelen var ei innspeling av ein annan Elton John-klassikar, «Candle in the Wind».
Medverkande Kate Bush – tangentinstrument, vokal, produsent Davy Spillane – sekkepipe Del Palmer – bass Alistair Anderson – concertina Charlie Morgan – trommer Alan Murphy – gitar
Listeplasseringar Liste (1991–1992)PlasseringStorbritannia12Australia2Nederland27Nederland22Frankrike 45Tyskland36Irland17Sveits20U.S. Billboard Modern Rock Tracks11
Andre versjonar Under Saturn Award i 1978 introduserte Taupin William Shatner som gjorde ein munnleg versjon av songen. Dette klippet er parodiert av mange amerikanske animasjonsseriar som Animaniacs, Family Guy, Freakazoid!, Futurama, og den kanadiske serien ReBoot, samt i musikkvideoen til «Where It's At» av Beck. Shatner spelte inn songen på nytt på albumet hans Searching for-dur Tom i 2011.
Andre artistar som har spelt inn songen er mellom andre Hank Marvin, The John Tesh Project, Me First and the Gimme Gimmes, Alvin and the Chipmunks, The Nixons, Boysetsfire, My Morning Jacket, William Hung, Jason Mraz, Sylvain Cossette, Gin Blossoms, Matthew Morrison og Mike Posner.
Songen vart spelt som avslutningssong på 360º-turneen til U2.
Kjelder Denne artikkelen bygger på «Rocket Man» frå , den 20. november 2011. oppgav desse kjeldene:
Kategori:Songar frå 1972 Kategori:Singlar frå 1972 Kategori:Singlar frå 1992 Kategori:Elton John-songar Kategori:Kate Bush-songar Kategori:Songar med tekst av Bernie Taupin Kategori:Softrocksongar 245 Kategori:Songar med musikk av Elton John Kategori:Songar produserte av Gus Dudgeon Kategori:DJM Records-singlar Kategori:MCA Records-singlar Kategori:Mercury Records-singlar Kategori:Universal Records-singlar Kategori:Rockeballadar Kategori:Major Tom Kategori:Songar om verdsrommet Kategori:Alvin and the Chipmunks-songar Kategori:Neil Diamond-songar Kategori:My Morning Jacket-songar Kategori:William Shatner-songar Kategori:Jon English-songar Kategori:Heaven 17-songar Kategori:Hugo Montenegro-songar Kategori:Hank Marvin-songar