Hans Wiers-Jenssen () var ein norsk forfattar, skodespelar, teaterregissør og teaterhistorikar.
Liv og virke Hans Wiers-Jenssen var son av fargaren Johan Jenssen og kona hans Elisa Magdalena Wiers. I 1894 gifta han seg med Rigmor Nicolowna Danielsen. Teatermannen Johan Henrik Wiers-Jenssen var sonen deira.
Som forfattar er Hans Wiers-Jenssen særleg kjent for teaterstykka Anne Pedersdotter (urpremiere på Nationaltheatret i 1908), som tek utgangspunkt i den sanne historia om prestekona som vart brunnen på bålet som heks i Bergen i 1590, og Jan Herwitz (urpremiere på Nationaltheatret i 1913, som kan reknast som ein bergensk folkekomedie. Danske Carl Th. Dreyer laga ein film basert på skodespelet Anne Pedersdotter; filmen hadde premiere i 1943 under tittelen Vredens dag. Det har òg vorte komponert to operaer over Wiers-Jenssens Anne Pedersdotter. Den første av dei to var den italienske La fiamma (1934), med libretto av Claudio Guastalla og musikk av Ottorino Respighi, det andre var den norske Anne Pedersdotter, med libretto av Hans Kristiansen og musikk av Edvard Fliflet Bræin. Denne operaen vart uroppført på Den norske operaen i 1971.
Verk i utval Tutti-Frutti. 1893 Nytaars-Revyen paa Eldorado, oppført 1893 No. 333, songspel, oppført 1899 Fra de gode, gamle Dage. Fortællinger optegnede af En Bergenser, Bergen 1907 Anne Pedersdotter, skodespel, oppført 1908, trykt 1962 Jan Herwitz. Gamle Bergensbilleder, lystspel i fire akter, oppført 1913, trykt Bergen 1943 Krøniker fra den gamle by, 1916 Billeder fra Bergens ældste teaterhistorie, Bergen 1921 Nationaltheatret gjennem 25 aar, 1924 Den Nationale Scene. De første 25 aar, Bergen 1926
Kjelder Denne artikkelen bygger på «Hans Wiers-Jenssen» frå , den 7. august 2011.
Bakgrunnsstoff
Om Hans Wiers-Jenssen i Norsk biografisk leksikon Om Hans Wiers-Jenssen i Svensk filmdatabas
Kategori:Norske skodespelarar Kategori:Norske regissørar Kategori:Norske forfattarar Kategori:Norske dramatikarar Kategori:Folk frå Bergen