Tromsø lufthamn (IATA: TOS, ICAO: ENTC) er eigd og driven av Avinor AS. Flyplassen har ein rullebane på om lag 2550 meter, og ligg ca. 3 km vest for sentrum av byen Tromsø. Han hadde 1 800 093 passasjerar i 2011, og var med det den største lufthamna i Nord-Noreg og femte største i landet som heilheit.
Historikk Flyplassen opna offisielt i 1964 som Tromsø lufthamn, Langnes. Terminalbygget har vorte modernisert fleire gonger (i 1977, 1985 og sist i 1998), og delar av den eldre bygningsmassen er framleis i bruk. I samband med dei siste moderniseringane fekk flyplassen eit nytt kontrolltårn, ein tunnel for å leie nærliggjande vegtrafikk under ein forlenga rullebane og for fyrste gong gangbruer direkte frå terminalbygget til oppstillingsplassane.
Selskap og ruter Lufthamna er eit nav for Nord-Noreg og har fylgjande flyselskap og destinasjonar: AirBaltic (Riga) Nordavia (Arkhangelsk, Murmansk) Norwegian Air Shuttle (Bergen-Flesland, Bodø, Oslo-Gardermoen og Trondheim-Værnes) SAS (Alta, Bodø, Longyearbyen, Oslo-Gardermoen, Trondheim-Værnes og Stockholm-Arlanda [sommarrute]) Widerøe (Alta, Andenes, Bergen-Flesland, Berlevåg, Bodø, Båtsfjord, Hammerfest, Harstad-Evenes, Hasvik, Honningsvåg, Kirkenes, Lakselv, Mehamn, Narvik-Framnes, Sandefjord-Torp, Stokmarknes, Sørkjosen, Vadsø og Vardø)
Frakt Kato Air (Alta [post]) West Air Sweden (Longyearbyen [post], Oslo-Gardermoen [post], Harstad-Evenes [post])
Sjå òg Største flyplassar i Norden
Kjelde Denne artikkelen bygger på «Tromsø lufthavn» frå , den 10. juni 2011.
Bakgrunnsstoff Avinors side om Tromsø lufthavn Langnes på norskeflyplasser.no
Kategori:Flyplassar i Troms Kategori:Samferdsle i Tromsø Kategori:Skipingar i 1964 Kategori:Byggverk i Tromsø