Olaus Thorsen Klaveness () var ein norsk gardbrukar og stortingsmann frå Sandar kommune (Sandeherad, no del av Sandefjord) i Vestfold. Han representerte Venstre.
Klaveness var son til ein skipper og gardbrukar. Tida 1869-98 var han gardbrukar på farsgarden Bjørnum, sidan på garden Mo i same heradet. Frå 1897 var han heradskasserar. Mest heile tida frå 1877 var han medlem av heradsstyret, ordførar 1881-96. 1882-97 var han forlikskommissær.
Klaveness var 1. representant frå Jarlsberg og Larviks amt på Stortinget 1892-94. Han var medlem av tollkomiteen og frå 8. mai 1893 av Lagtinget.
Han døydde i Sandefjord i 1910.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar for Vestfold Kategori:Stortingsrepresentantar frå Venstre Kategori:Stortingsrepresentantar 1892-1894 Kategori:Ordførarar i Sandar Kategori:Venstreordførarar i Vestfold Kategori:Norske gardbrukarar frå 1800-talet Kategori:Folk frå Sandefjord