Eurovision Song Contest 1958 (ESC 1958) var den tredje gongen Eurovision Song Contest vart arrangert. Tevlinga vart halden i AVRO Studios i Hilversum i Nederland. Finalen fann stad onsdag 12. mars. Frankrike vann tevlinga med songen «Dors, mon amour», sunge av André Claveau.
Tevlinga vart for fyrste gong arrangert av landet som vann året før, ein tradisjon som er vorte halden i hevd sidan. Røystinga gjekk føre seg på same måte som året før: Alle deltakarlanda hadde ein jury med ti medlemmar kvar, der kvart medlem gav eit poeng til den songen han eller ho likte best. Juryen var basert i heimlandet og vart kontakta via telefon. Sjølv om «Nel blu dipinto di blu», sungen av Domenico Modugno for Italia, berre enda på tredjeplass, vart han ein internasjonal bestseljar, kanskje best kjend under namnet «Volare». Songen låg mellom anna på fyrsteplass på den amerikanske Billboard-lista og vart løna med tre Grammy-prisar.
Sverige deltok i tevlinga for fyrste gong med ei av sine største stjerner på den tida, Alice Babs. Storbritannia trekte seg frå tevlinga slik at det var ti deltakarar, akkurat som i 1957. Eurovision Song Contest 1956 og Eurovision Song Contest 1958 er dei einaste tevlingane der det ikkje har vorte sunge nokon bidrag på engelsk.
Bidraga Finale Finalen vart halden den 12. mars i AVRO Studios. Frankrike vann tevlinga for fyrste gong. Italia framførte sin låt to gongar på grunn av tekniske problem. Problemet førte til fyrste bruken av skiltet på fjernsynsskjermen der det står «Brot på biletsambandet med utlandet». Nederland og Luxembourg enda på ein delt niandeplass.
# Land Artist Song Språk Poeng Plass 01 Italia Domenico Modugno «Nel blu dipinto di blu» Italiensk 013 03 02 Nederland Corry Brokken «Heel de wereld» Nederlandsk 001 09 03 Frankrike André Claveau «Dors, mon amour» Fransk 027 01 04 Luxembourg Solange Berry «Un grand amour» Fransk 001 09 05 Sverige Alice Babs «Lilla stjärna» Svensk 010 04 06 Danmark Raquel Rastenni «Jeg rev et blad ud af min dagbog» Dansk 003 08 07 Belgia Fud Leclerc «Ma petite chatte» Fransk 008 05 08 Vest-Tyskland Margot Hielscher «Für zwei Groschen Musik» Tysk 005 07 09 Austerrike Liane Augustin «Die ganze Welt braucht Liebe» Tysk 008 05 10 Sveits Lys Assia «Giorgio» Tysk 024 02
Artistar som har delteke tidlegare Artist Land Tidlegare år Fud Leclerc Belgia 1956 Margot Hielscher Vest-Tyskland 1957 Corry Brokken Nederland 1956 og 1957 (vinnar) Lys Assia Sveits 1956 (vinnar) og 1957
Det var den fyrste gongen at to tidlegare vinnarar deltok i tevlinga same år. Andre, og førebels siste, gongen det hende var i 2011.
Kommentatorar + Kommentatorar i land som deltok Land Kommentator Kringkastar Bianca Maria Piccinino Programma Nazionale Siebe van der Zee NTS Pierre Tchernia RTF Jacques Navadic Télé-Luxembourg Jan Gabrielsson Sveriges Radio-TV Statsradiofonien TV Arlette Vincent INR Nand Baert NIR Wolf Mittler Deutsches Fernsehen ORF Theodor Haller TV DRS Georges Hardy TSR + Kommentatorar i land som ikkje deltok Land Kommentator Kringkastar Peter Haigh BBC Television Service Tom Sloan BBC Light Programme
Kjelder Denne artikkelen bygger på «ESC 1958» frå og VG.no, den 1. februar 2011.
Kategori:Eurovision Song Contest etter år Kategori:Musikk i 1958