Halvor Håvardsson Bråten () var ein norsk lærar, gardbrukar, lensmann og stortingsmann frå Søndeled i Aust-Agder.
Bråten var son av ein gardbrukar frå Moland i Søndeled. Frå 1783 til 1796 var han skulehaldar med ei årsløn på åtte riksdalar. Han var gardbrukar, fyrst på Akland og så frå 1799 på Bråten i Søndeled. I 1818 vart han lensmann i Søndeled, eit ombod han hadde til han døydde.
Bråten var 1. varamann frå Nedenes og Robygdelagets amt til Stortinget 1824 og 1827. I 1830 møtte han på Stortinget som 2. representant frå same valkrinsen. Han var då medlem av gasje-, pensjons-, skatte- og budsjettkomiteen.
Han døydde på garden sin i Søndeled i 1833.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1824-1826 Kategori:Stortingsrepresentantar 1827-1829 Kategori:Stortingsrepresentantar 1830-1832 Kategori:Stortingsrepresentantar for Aust-Agder Kategori:Norske gardbrukarar Kategori:Norske lærarar Kategori:Folk frå Risør