Hugo Miguel Pereira de Almeida () er ein portugisisk fotballspelar som har spela for tyrkiske Beşiktaş.
Karriere
Almeida starta som juniorspelar for heimklubben Naval 1º de Maio i 1997, men bytte klubb til Porto i år 2000. Her kom han opp på fyrstelaget i 2002. Han vart seriemeister i Portugal med klubben i 2004 og 2006 Han vart lånt vekk til andre klubbar fleire gonger, og vart også lånt vekk til Werder Bremen, men lånet vart omgjort til kjøp i 2007. Ved nyttår 2010/11 gjekk han til Beşiktaş for 2 millionar euro. Han var med på å bli cupmeister i Tyrkia med laget same sesongen.
På landslagsnivå har Almeida delteke i fleire turneringar, mellom anna fotball-VM 2010 i Sør-Afrika. Her skåra han eitt av måla i kampen mellom Portugal og Nord-Korea, som enda 7-0 til Portugal. Under EM i 2012 spelte han i to av Portugal sine kampar då laget nådde semifinalen i turneringa.
Kategori:Portugisiske fotballspelarar Kategori:Porto-spelarar Kategori:Werder Bremen-spelarar Kategori:Besiktas-spelarar Kategori:Spelarar i Fotball-VM 2010 Kategori:Spelarar i Fotball-EM 2012 Kategori:Spelarar i Fotball-VM 2014