Zlatko Dedič () er ein slovensk fotballspelar som hausten 2011 spela i angrep for det tyske laget Dynamo Dresden i 2. Bundesliga, på lån frå Bochum i 1. Bundesliga, og for det slovenske landslaget.
Dedič voks opp nær Koper i Slovenia. Han drog til Parma i Italia i 2000, men slo aldri gjennom i Serie A. I staden spelte han på lån i fleire Serie B-klubbar, og frå 2007 permanent for Serie B-klubben Frosinone. Sommaren 2009 gjekk han til Bochum i tysk Bundesliga. Han skåra fem mål i den første sesongen sin der, då klubben rykte ned i 2. Bundesliga.
Dedič debuterte for Slovenia sitt A-landslag 28. mars 2008 i ein VM-kvalifiseringskamp mot Tsjekkia. Han skåra vinnarmålet i den avgjerande playoff-kampen mot Russland, som sikra deltaking i fotball-VM i 2010 for Slovenia.
Kategori:Slovenske fotballspelarar Kategori:Parma-spelarar Kategori:Empoli-spelarar Kategori:Cremonese-spelarar Kategori:Frosinone-spelarar Kategori:Piacenza-spelarar Kategori:Bochum-spelarar Kategori:Dynamo Dresden-spelarar