mini|Swansea Bay sett frå Townhill
Swansea Bay (walisisk Bae Abertawe) er ei bukt i Bristolkanalen på sørkysten av Wales. Av stader ved bukta finn ein Mumbles, Swansea og Port Talbot. River Neath, River Tawe, River Afan og Blackpill munnar alle ut i bukta.
Swansea Bay (og alle øvre delar av Bristolkanalen) har ein av dei største tidvasskilnadane i verda med ein maksimal skilnad på om lag 10 meter. I Swansea Bay ligg hamnene Swansea Docks, Port Talbot Docks og Briton Ferry-kaien.
Historie Østersfiske var ein gong ein viktig industri i Swansea Bay, med over 600 tilsette på det meste i 1860-åra. Overfiske, sjukdom og forureining utrydda østersbestanden før 1920. I 2005 vart det kunngjort planar om å opprette østersoppdrett i bukta.
Strender Langs bukta ligg fleire sandstrender. Kvar strand har sitt eige namn: Aberavon Beach Baglan Bay Jersey Marine Beach Swansea Beach Mumbles Beach
mini|center|600px|Bracelet bay, Mumbles og Swansea bay, sett frå Mumbles fyrstasjon
Forureining Dei siste to tiåra av 1900-talet vart bukta øydelagd av forureining, delvis frå omliggande tungindustri og delvis frå kloakkutslepp. Dei naturlege havstraumane i området gjorde òg at forureininga ikkje vart frakta bort frå bukta. Rundt 1996 stoppa kloakkutsleppa, som i staden vart lagt i røyr til eit kloakkreinseanlegg nær Port Tennant. Dette har ført til stor betring i vasskvaliteten i bukta.
Kraft Sidan Swansea Bay har så kraftige tidvasstraumar er det lagt fram planar om tidvasskraftverk her.source: http://www.tidalelectric.com/Projects%20UK.htm . I tillegg er det planlagt ein vindmøllepark uti bukta.source: http://www.greenpeace.org.uk/contentlookup.cfm?ucidparam=20041005181339
Bakgrunnsstoff Offisiell nettstad Swansea Bay: Explore Gower Visit Swansea Bay Forces of Nature: Informasjon om strendene Bilete av Swansea Bay og omliggande område
Kjelder Denne artikkelen bygger på «Swansea Bay» frå , den 11. januar 2010. oppgav desse kjeldene:
Kategori:Bukter i Wales Kategori:Gowerhalvøya