mini|Gamalt bilete av Hotel Ullensvang, frå Nasjonalbiblioteket. Hotel Ullensvang er eit hotell som ligg på Lofthus i Hardanger.
Historie
Hotellet vart starta opp av Hans Utne i 1846 som skysstasjon, fordi han trong overnattingsplass for folk han skulle ro over fjorden. Han og kona Brita Aga dreiv også skipsekspedisjon, landhandel og postopneri.
Hotellet gjekk så i arv til sonen Bjarne Utne og kona Brita. Dei utvida til 50 senger og heilårsdrift. Eit nytt anneks med 35 sengeplassar vart ferdig bygt i 1934. Under andre verdskrigen vart hotellet nytta som aldersheim av Bergen Aldersheim. I 1962 overtok tredje generasjon, Hans Utne og kona Ellen. Fjerde generasjon, Edmund Harris Utne og Ina Utne, kom inn i drifta i 1969. Fram til 2021 vart hotellet drive av den femte generasjonen, Hans Edmund Utne og Barbara Zanoni Utne. I 2021 vart hotellet selt til til H.I.G. Capital og Hamilton Hotel Partners. Det har no 168 rom og stor aktivitets- og badeavdeling.
I hagen til hotellet står komponisthytta til Edvard Grieg, ved namn Komposten.
Kjelder
Bakgrunnsstoff Nettstaden til Hotel Ullensvang
Kategori:Reiseliv i Vestland Kategori:Byggverk i Ullensvang Kategori:Skipingar i 1846 Kategori:Hotell i Vestland Kategori:1846 i Noreg