«Too Much Monkey Business» er ein song skriven og spelt inn av Chuck Berry. Songen vart gjeven ut av Chess Records i september 1956 som den femte singelen til Berry. Han vart òg gjeven ut som den tredje songen på det første albumet hans, After School Session, i mai 1957 og på ein EP. Singelen nådde fjerdeplassen på Billboard si Most Played In Juke Boxes-liste, 11. plassen på Most Played by Jockeys-lista og sjuandeplassen på Top Sellers in Stores-lista i 1956.Whitburn, Joel (2006). The Billboard Book of Top 40 R&B and Hip-Hop Hits. New York: Billboard Books.
Innspeling «Too Much Monkey Business» vart spelt inn 16. april 1956, i Chicago. Innspelinga vart produsert av Leonard Chess og Phil Chess. Med på innspelinga hadde Berry Johnnie Johnson (piano), Willie Dixon (bass) og Fred Below (trommer).
Andre versjonar Elvis Presley spelte inn ein versjon av songen under oppvarminga til innspelinga av Stay Away, JoeJorgensen, Ernst. Elvis Presley A Life in Music: The Complete Recording Sessions. New York: St. Martin's Press, 1998 og denne vart seinare gjeven ut på Elvis Sings Flaming Star i 1969.
Fleire band i den britiske bølgja gav ut versjonar av «Too Much Monkey Business». The Beatles spelte inn sin versjon 3. september 1963, med John Lennon på vokal. Denne vart send på BBC Light Programme Pop Go the Beatles den 10. september. Denne innspelinga vart gjeven ut på albumet Live at the BBC i 1994. The Hollies spelte songen for det andre albumet sitt, In The Hollies Style, i november 1964. The Yardbirds med Eric Clapton brukte songen til å opne konsertane sine på Marquee Club, og eit opptak vart gjeven ut på Five Live Yardbirds. The Kinks spelte inn sin versjon for debutalbumet sitt i 1964 som ein av to Berry-songar på albumet. Den andre var «Beautiful Delilah». The Youngbloods gav ut ein versjon av songen i 1967 på albumet, Earth Music.The Youngbloods, Earth Music Retrieved May 20, 2015 Eric Clapton spelte inn ein versjon av songen for albumet med same namn i 1984 på Astan records.Allmusic.com
The Beatles-versjonen The Beatles spelte songen på mange av BBC-innspelingane sine, og ein av dei vart gjeven ut på Live at the BBC, spelt inn 3. september 1963.
Medverkande John Lennon, vokal, sologitar George Harrison, rytmegitar Paul McCartney, bassgitar Ringo Starr, trommer
Påverknad på andre songar «Too Much Monkey Business» var ei inspirasjonskjelde for Bob Dylan på «Subterranean Homesick Blues». Punkrockaren Johnny Thunders hylla Berry på songen «Too Much Junkie Business», ei blanding av «Pills» av Bo Diddley og «Too Much Monkey Business». Berry sin song danna grunnlaget for «Too Much» av KMFDM, som kom ut på samlealbumet deira 84–86. Songen inspirerte Michael Jackson på «Monkey Business» på albumet hans Ultimate Collection (2004), med tekstlinja «too much monkey business».
Kjelder
Denne artikkelen bygger på «Too Much Monkey Business» frå , den 27. juni 2017. oppgav desse kjeldene:
Kategori:Songar frå 1956 Kategori:Singlar frå 1956 Kategori:Songar skrivne av Chuck Berry Kategori:Chuck Berry-songar Kategori:Elvis Presley-songar Kategori:The Yardbirds-songar Kategori:The Kinks-songar Kategori:The Youngbloods-songar Kategori:The Beatles-songar Kategori:The Hollies-songar Kategori:Leon Russell-songar Kategori:Wishbone Ash-songar Kategori:Chess Records-singlar