Jelizovo (russisk Е́лизово) er ein by i Kamtsjatka kraj i Russland med om lag 35 000 innbyggjarar. Han ligg ved elva Avatsja 32 km nordvest for Petropavlovsk-Kamtsjatskij.
Staden vart grunnlagt i 1848 som landsbyen Staryj Ostrog (russisk: Ста́рый Остро́г), men namnet vart endra til Zavojko (russisk: Заво́йко) i 1897, etter den russiske admiralen Vasilij Zavojko som leia forsvaret av Petropavlovsk i 1854. Landsbyen fekk nytt namn igjen i 1923, det noverande Jelizovo. Staden fekk status som urbanliknande busetnad i 1964 og bystatus i 1975.
Petropavlovsk-Kamtsjatskij lufthamn, den største på Kamtsjatka, ligg like ved byen.
Kjelder
Bakgrunnsstoff
Kategori:Busetnader grunnlagde i 1848