Nittedal er ein kommune i Akershus fylke. Kommunen grensar i nord til Lunner og til Nannestad, i aust til Gjerdrum, i søraust til Lillestrøm og i sør og vest til Oslo.
Nittedal kommune har ikkje éin stor tettstad som mange andre kommunar, men mange mindre. Hagan er den største av desse tettstadene og ligg i sør like ved bygrensa til Oslo. Rotnes ligg i midtre del av kommunen. I nordlege delar av kommunen, som òg blir kalla Hakadal, er Åneby den største av fleire små tettstader.
Namn mini|venstre|Nittelva renn gjennom Nittedal frå nord til sør. Her er ho fotografert ved tettstaden Hagan sør i dalen. mini|Nittedal rådhus, som ligg ved tettstaden Rotnes midt i dalen. Namnet «Nittedal» kjem av norrønt Nitjudalr. Etterleddet dalr tyder 'dal', medan forleddet Nitju er genitiv singularis av Nitja, som er det gamle namnet på Nittelva. Det er uvisst kva Nitja tyder. Moderne skriftbasert uttale er [²nitedɑːɽ] eller [²nitedɑːɳ], men tradisjonell uttale er [²nedɑɳ].
Geologi Nittedal høyrer til Oslofeltet. Spesielt kjent er Nittedalskalderaen, som er restane etter vulkansk aktivitet i permtida.Bjørn T. Larsen, Snorre Olaussen, Bjørn Sundvoll og Michel Heerman: «Vulkaner, forkastninger og ørkenklima. Osloriften og Nordsjøen i karbon og perm, 359–251 millioner år», i Ivar Ramberg et al. (red.): Landet blir til. Norges geologi. Norsk Geologisk Forening 2007.
Kjende nittedølar Bente Skari, skiløpar med VM- og OL-gull. Alf Prøysen, visesongar og kunstnar som vart nittedøl i 1948Alf Prøysen. nittedalsporten.no. Vitja 12. april 2020 Jarle Bernhoft, vokalist og gitarist, frontfigur for rockegruppa Span Borghild Rud (1910–1999), kunstnar og illustratør Søstrene Bjørklund, fire populærartistar i 1950-åra Harald Sohlberg (1869–1935), kunstmålar Tommy Rustad, rallyførar som har vunne internasjonale billøp Odd Martinsen, skiløpar med gullmedaljar frå VM og OL, far til Bente Skari Hanne Staff, orienteringsløpar som vann VM Lena Boysen, har vunne 14 VM, 13 EM og 20 NM i hundekjøring Marianne Pettersen, landslagsspelar i fotball med gull i VM 1995, bronse i OL 1996 og gull i OL 2000 Terje Thorslund, spydkastar med bronse i EM 1974 Solveig Kristansen Aaseby, europa- og verdsmeister i einspann hundekjøring 1990 Terje Pedersen, tidlegare verdsmeister i spydkast (1964)
Kjelder
Bakgrunnsstoff Nittedal kommune (Offisiell nettstad) Nittedalsporten
Kategori:Kommunar i Akershus