mini|Plasseringa til Karl Aleksander-øya i Frans Josefs land Karl-Aleksander-øya (russisk Остров Карла-Александра; Ostrov Karla-Aleksandra), eller Zemlja Karla-Alexandra (Земля Карла Александра), er ei øy i Frans Josefs land i Russland.
Karl-Aleksander-øya er 29 km lang og opp mot 18 km brei og har eit areal på 329 km². Lite av øya er derimot isfri. Det høgaste punktet på øya er 365 meter over havet.
Øya høyrer til øygruppa Zemlja Zitsjy i Frans Josefs land. Rainerøya ligg i aust på andre sida av eit 2,5 km smalt sund. I sør ligg Jacksonøya på andre sida av eit 6 km breitt sund.
Karl-Aleksander-øya vart namngjeve av den austerriksk-ungarske nordpolekspedisjonen og kalla opp etter ein adelsmann som finansierte ekspedisjonen, aristokraten Alfred Wilhelm Karl Alexander Graf von Salm-Hoogstraeten (1851–1919).Johan Schimanski, Ulrike Spring: Passagiere des Eises: Polarhelden und arktische Diskurse 1874. Böhlau, Wien 2015, , s. 443 ()
Øya må ikkje forvekslast med Aleksandra land, som òg ligg i Frans Josefs land.
Nærliggande øyar Nordvest for Karl-Aleksander-øya ligg Tsjitsjagovøyane (Острова чичагова; Ostrova Tsjitsjagova). Desse øyane er kalla opp etter polfararen Pavel Vasilijevitsj Tsjitsjagov (1767-1848), son av admiral Vasili Jakovlevitsj Tsjitsjagov frå den russiske marinen. Sørvest for Karl-Aleksander-øya ligg Pontremoliøyane (Острова Понтремоли; Ostrova Pontremoli). Dei er kalla opp etter Pontremoli, ein by i Toscana i Italia.
Det er fire småøyar som ligg nordaust for Karl-Aleksander-øya: Den største av desse er Torupaøya (Остров Торупа; Ostrov Torup), ved 81° 31' N; 58° 27' E . Ho er kalla opp etter Sophus Torup (1861-1937), ein professor i fysiologi som var venn av Fridtjof Nansen.Roland Huntford, Scott And Amundsen : The Last Place on Earth, 2012 Ostrov Solovjova ligg ved 81° 31' N; 58° 23' E. Nordaust for Torupøya ligg den mindre Coburgøya (Остров Кобург; Ostrov Koburg), 81° 52' N; 58° 14' E. Denne øya er kalla opp etter Saxe-Coburg-Gotha-familien. Stéphanie av Belgia, kona til kronprins Rudolf av Austerrike (som Rudolføya er kalla opp etter) høyrte til denne familien. Ostrov Khouena (Остров Хоуэна) ligg ved 81° 49' N; 58° 32' E. Øya blei namngjeven av Fridtjof Nansen etter Anton Christian Houen (1823-1894),Høvik A (1993) Anton Christian Houen. Reisedagbok 1841-1858. Larvik. ein norsk kjøpmann som støtta bygginga av Nansen sitt skip «Fram».Nansen F (1897). Farthest North. London: McMillan. Vol 1, p40 and Vol 2, p 215.
Kjelder
http://worldmaps.web.infoseek.co.jp/Russland_guide.htm http://islands.unep.ch/CEO.htm Familien Salm & Alfred Wilhelm Karl Alexander Graf von Salm-Hoogstraeten Otto Howen
Denne artikkelen bygger på «en:Karl-Alexander Island» frå , den 30. juli 2008.
Kategori:Øyar i Frans Josefs land