Ortasjøen er ein innsjø nord i Italia vest for Lago Maggiore. Han har hatt dette namnet sidan 1500-talet, men vart tidlegare kalla Lago di San Giulio, etter St. Julius (300-talet), vernehelgenen til regionen. Den sørlege enden ligg om lag 35 km nordvest for Novara med jernbane langs linja mellom Torino og Milano, medan nordenden ligg 6 km med jernbane sør for jernbanestasjonen Gravellona-Toce, halvvegs mellom Ornavasso og Omegna.
I innsjøen ligg øya Isola San Giulio som har nokre vakre bygningar og som har fått namnet frå den lokale helgenen Julius av Novara, som levde på 300-talet.
Den største staden ved innsjøen er Orta San Giulio, som ligg på ei halvøy på austsida av innsjøen, medan Omegna ligg heilt i nord. Ein meiner at innsjøen var ein del av ein mykje større innsjø som opphavleg fekk vatn frå Toce. Då isbreane trekte seg tilbake minka vassmengda og Toce rann i staden til Lago Maggiore.
Kjelde
CNR - ISE: Laghi LIMNO Banca dati dei laghi italiani: Orta Ortasjøen: turistinformasjon, historie, bilder, kuriositeter
Kategori:Innsjøar i Italia Kategori:Piemonte