Saltfjellet-Svartisen nasjonalpark er ein nasjonalpark som vart oppretta i 1989.
Saltfjellet–Svartisen er kanskje den mest variasjonsrike nasjonalparken i Noreg. Frå den ville Nordfjorden i vest strekker parken seg via høge fjell og evig is til frodige fjellbjørkedalar med stilleflytande elvar. Parken har òg mange samiske kulturminne.
Plassering Nasjonalparken ligg i Beiarn, Meløy, Rana, Rødøy, Saltdal og Bodø kommunar i Nordland fylke. Det samla arealet i nasjonalparken er om lag 2102 km². Isbreen Svartisen er ein del av parken.
Verneformål Formålet med nasjonalparken er: å ta vare på eit vakkert og nært urørt fjellområde med sitt plante- og dyreliv og sine geologiske førekomstar. I tillegg skal nasjonalparken saman med Gåsvatnan og Saltfjellet landskapsvernområde og Storlia naturreservat ta vare på eit samanhengande naturområde med mange samiske og andre kulturminne. å gje folk høve til naturopplevingar i området.
Bruk av nasjonalparken Tradisjonell reindrift er tillate, og gjerde for husdyrbeite kan haldast ved like. Fylkesmannen kan gi løyve til merking av stiar og legging av kloppar.
Bakgrunnsstoff Direktoratet for naturforvalting, informasjon om Saltfjellet-Svartisen nasjonalpark. PDF-kart DNT - turplanleggar
Kategori:Nasjonalparkar i Noreg Kategori:Verneområde i Nordland Kategori:Verneområde oppretta i 1989 Kategori:Beiarn kommune Kategori:Meløy kommune Kategori:Rana kommune Kategori:Rødøy kommune Kategori:Saltdal kommune Kategori:Bodø kommune